Dibrugarh, Risaw 21: Ki bor shipai ka ri India, kila hiar thma sha shilliang pud da kaba pyndonkam ia ki drone ban ther ia ka ktem jong ka kynhun kaikhlaw NSCN (K-YA) hapoh ka ri Myanmar ha janmiet sngi u Blei da kaba thmu ia ki heh nongialam kane ka kynhun.
Katkum ki tyllong khubor, la ïathuh ba katei ka jingthombor ka dei kyrpang ïa ka ktem jong u Major General u Peyong Konyak uba shu kam ïalade jong ka NSCN (K-YA) uba la ngeit ba u dei u nongpynïaid ba kongsan ha lyndet jong ka jingshah hiar thma dang shen ha kawei ka ktem jong ka Assam Rifles Company Operating Base (COB) ha Changlang district jong ka jylla Arunachal Pradesh.
Ki khubor, ki pyni ba phra ngut ki briew, kynthup ïa lai ngut ki nongap pahara shimet ne personal bodyguards jong u Peyong, ki la ïap ha katei ka jingshah hiar thma.Ka NSCN (K-YA) ka la kynnoh ba ki bor pahara jong ka India ki don kti ha lyndet jong kane ka jingkhynra ne ka operation.
Kane ka jingshah hiar thma ka long tang hadien katto katne sngi ba la mih ka jingthombor jong ki lehnoh ha katei ka thain.Ha ka 16 tarik u Risaw,ki suba lehnoh NSCN (K-YA) ki la hiar thma ïa uwei u shipai Assam Rifles COB ha Hedman, ha shi lynter ka khappud Indo-Myanmar ha Changlang.
Ha kawei pat ka jingjia, ki dkhot jong ka ULFA (I) ki la hiar thma ïa kawei ka ktem shipai ha Koomsang kaba hap hapoh ka Police Station Kakopathar hapoh ka Tinsukia District jong ka Assam, ha kaba lai ngut ki shipai ki la mynsaw.
Ki tyllong khubor ki iathuh ba ki lehnoh ULFA (I) ki la pyndonkam da ki under-barrel grenade launchers (UBGLs) bad ki automatic rifles ha ka por ba ki thombor.
 hapoh ka ri Myanmar ha janmiet sngi u Blei da kaba thmu ia ki heh nongialam kane ka kynhun.){kind=link}