Guwahati, Naitung 26 :Hadien saw snem, ka Sorkar kala plie biang ia ka khaii pateng bad ka jaka rung jaka mih ki briew na khappud (Immigration Centre) ka India bad Bangladesh ha South Salmara District ka Assam ha ka sngi Palei.
Kane ka Immigration Centre kala khang dam namar ka jinglynshop ka khlam Covid-19 bad ha kine ki saw snem, la khang dam ia ka khaii ka pateng hapdeng kine ki artylli ki Ri.
U MLA Aminul Islam ula ong ba ki samla pule, ki nongkhaii bad ki nongpang kiba kwah wan wad jingsumar na Bangladesh, kila mad jingeh bha namar ka jingkhang dam ia kane ka jaka rung ha Salmara.
“Kane ka jingkhang jong ka Sorkar Pdeng kala wanrah ia ka jingeh kaba khraw bha, kaba pynbor iaki briew na Lower ba Centrel Assam ba kin leit sha Bangladesh da kaba iaid lyngba ka Dawki na Meghalaya lane Kolkata” ong u Islam.
Ka Assam ka don 2 tylli ki Immigration Centre na ka bynta ki nong Bangladesh-kawei ha Sutarkandi ha Karimganj District kaba la khang dam ha ka por ka khlam Covid bad bala plie noh bad kawei pat ka don ha Mankachar.
