Dibrugarh, Nailar 24: Ka All Assam Small Tea Growers’ Association (AASTGA), Dibrugarh unit, ha ka sngi Palei, kala pynlong ia ka jingiashong kyllain mungor ha Chawkidinghee, Dibrugarh namar ka jingmynthi ka Sorkar ban pynurlong ia ki mat jingdawa.
Ha ryngkat ki placard bad ki banner, ki dkhot ka AASTGA kila pyrta slogan pyrshah ia ka Sorkar bad ka Tea Board. Ka Association kala kyrpad ruh ia ka Sorkar ba kan mynjur ha kaban thaw noh da ka Ain ka ban pynthikna ia ka jingkhang ban wanrah ia ki sla slasha nabar ka Jylla.
U Rubul Hatibaruah, President of AASTGA, Dibrugarh district, said, “Ngi kyntu ia ka Sorkar ban thaw noh da ka ain ka ban khang ia ka jingwanrah ia u sla slasha ha Assam. Namar ka jingwan u sla slasha na shabar, ki nongrep slasla barit baria kila ioh duna bha ka dor. Ki sla green tea kila wan rung ha iew ka Assam na kiwei ki Jylla kaba la pynkha ia ka jingeh ia ki nongrep slasha barit baria jong ka Jylla”.
Haba pyntip ba ki nongrep slasla ka Assam ki ioh tang T. 14 haduh T.22 shi kilo u sla green tea, ula ong ba ka Minimum Benchmark Price (MBP) ne ka dor ba rit eh bala buh ia u sla green tea ka ju long hapdeng T. 34 bad T. 38 shi kilo. Ula dawa ia ki karkhana slasha ba kin siew ia ki nongrep slasha barit barit ka Assam ia ka MBP bad ka dor ba kham heh ia ki sla green tea kiba bha.
Ka Assam ka don haduh 1.22 lak ngut ki nongrep slasha kiba la register ialade kiba pynmih haduh 52% u slasha hapoh ka Jylla. Haduh 80,000 ngut na kine ki nongrep ki dei ki dkhot jong kane ka Association.
