Dibrugarh, Naiwieng 30: Ka All Adivasi Students’ Association of Assam (AASAA) kala pynlong da ka bike rally bad ka jingiakhih paidbah ha Makum, Tinsukia district, ha ka sngi u Blei da kaba dawa na ka sorkar ba kadei ban tuklar ban weng ia ka jingeh ba ki paidbah ha ka imlang ka sahlang ki kynduh jingeh jong ka thain kper slasha.
Ka jingiakhih ka pynleit jingmut ban iakhun pyrshah ia ka jingshongkha khynnah, ka jingkhaii be-ain kaba la jyllei bha, bad ka jingdih kyiad pyrsi kaba la shna ha ka thain kaba la tip kum ka sulai.
Hapoh ka jingialam u President ka AASAA jong ka Tinsukia district u Albert Oreya, kane ka jingiakhih kala sdang kala sdang na ka jingiaid paidbah ne ka rally da ki bike kaba iaid lyngba ka sor Makum ha shwa ban ia lum paidbah shwa ka jingiakhih.
Ki nongïakhih ha ryngkat bad ka jingpyrta (slogan) kila pynpaw ba kumno ki ioh ia ka kyiad beain ia kaba la pynlong ïa ka jingshah thombor ha ïing ha sem, kaba wanrah pat ia ki jingeh kiba jur ha ka koit ka khiah, bad ka jingeh ha ka liang ka pisa tyngka hapdeng ki nongtrei bylla ha ki kper slasha.
Na ka liang jong ka association kala pynpaw ia ka jingsngewkhia halor ka jingbun jong ki khynnah kiba la ieh noh ia ka jingpule ba tang shiteng por ha ki skul kiba don ha kane ka thain kper slasha. Kala kyntu ia ka tnad pule puthi ban wanrah ia ki skhim jingiarap ba la thmu, kum ka jingpynshlur, bad ki jingpynbha ia ki jingtei ia ki skul ban pynsah ba ki khynnah kin don ha ki kamra klas.
Haba pynpaw ïa ka jingeh jong ka jinglong jingman, u Oreya u la ong, “Ka jingshongkha khynnah bad ka jingtim kaba mih na ka kyiad beaiñ kaba la pynjot ïa ka lawei ki samla jong ngi bad ki longïing longsem.Ngi duh noh ïa kawei ka pateng na kine ki jingpang. Ngi dawa ban leh da kaba tyngeh, kaba lah ban ïohi pyrshah ïa ki nongkhaii kyiad bad kito kiba pynshlur ïa ka jingshongkha khynnah.”
Shuh shuh u la ban jur ia ka bynta jong ka jingpule kaba la pynkhein ia ka jingshah pynduh. Ka jingnang jingstad kadei tang kawei ka lad ban lait na ka jingduk, hynrei la pynbor ia ki khynnah ba kin hap ban mih kloi na skul namar ka jingeh ha ka liang ka ioh ka kot bad ka jingbym don ka jingkyrshan kaba biang.Ngi donkam ïa ki lad ki lynti kiba kyrkieh, kiba pynleit jingmut bha ban pynsah ïa ki khynnah skul jong ngi ha ki kamra klas,” u la bynrap.
 kala pynlong da ka bike rally bad ka jingiakhih paidbah ha Makum, Tinsukia district, ha ka sngi u Blei da kaba dawa na ka sorkar ba kadei ban tuklar ban weng ia ka jingeh ba ki paidbah ha ka imlang ka sahlang ki kynduh jingeh jong ka thain kper slasha.){kind=link}