Guwahati, Lber 16: Ka Bharatiya Janata Party (BJP) kaba synshar bad lamkhmat ia ka sorkar bad ka paralok jong ka, ka Asom Gana Parishad (AGP) ki dang ban pyndep ia ka jingpynbeit ia ka jingiasam seat na ka bynta ka elekshon sha ka iing dorbar thawain ka jylla Assam ka ban sa long shen.
Da ka jingpynbna ia ka por elekshon, ki seng sain pyrthei kiba heh ki la pynjur bad pynkhlain ia ki kam ialap elekshon ha kylleng ka jylla.
Ka Election Commission of India (ECI) ka la pynmih ia ka gazette notification na ka bynta ka elekshon sha ka iing dorbar thawain ka jylla Assam ha ka sngi Nyngkong.Ka tarik ba khatduh ban thep kyrteng ka long ha ka 23 tarik u Lber, katba ka jingthep vote kan long ha ka 9 tarik u Iaiong.
Katto katne tylli ki seng ba don ha ka liang pyrshah, kynthup ia ka Congress, ki la dep ban pynmih shi bynta ia ki thup kyrteng jong ki kyrtong ban iakhun sha ka iing dorbar kaba don 126 ngut ki dkhot.
Ha kajuh ka por, ka BJP ka la pyndep ïa ka jingïapynbeit ban ïasam seat bad kawei pat ka paralok jong ka, ka Bodoland People’s Front (BPF) na ka bynta ki 15 tylli ki seat ha Bodoland Territorial Region (BTR).Hapoh kane ka jingiateh, ka BPF kan iakhun ha ki 11 tylli ki jaka, katba ka BJP kan pynieng kyrtong ha ki saw tylli kiba dang sah.
Hynrei ka jingsngewthuh kaba kum kane bad ka AGP ka dang sah teng.
“Kim don kano kano ka jingeh ha ka jingiadei paralok jong ngi.Baroh ar tylli ki seng — kawei ka national bad kawei pat ka regional — ki don kajuh ka jingmut jingpyrkhat.Ngi don tang ka jingiapher ha ka rukom treikam jong ngi ban rah ia ka Assam shakhmat”, la ong u state president ka BJP, u Bhabesh Kalita, khlem da kren eiei halor ka jinglong jingman jong ka jingiakren ba iasam seat.
 kaba synshar bad lamkhmat ia ka sorkar bad ka paralok jong ka, ka Asom Gana Parishad (AGP) ki dang ban pyndep ia ka jingpynbeit ia ka jingiasam seat na ka bynta ka elekshon sha ka iing dorbar thawain ka jylla Assam ka ban sa long shen.){kind=link}