Guwahati, Jylliew 14: Ka National Investigation Agency (NIA) ha ka sngi Thohdieng kala aiti ia ka chargesheet pyrshah ia lai ngut ki briew kiba iasylla bad ki ULFA (Independent) ban pynbthei bom IED ha kylleng ki bynta ka Assam ha ka sngi rakhe ia ka Independence Day 2024.
Kine kiba shah chargesheet ki kynthup ia u Paresh Baruah, ia uba la tip ruh ia ka kyrteng sin kum u Paresh Asom, u Kamruj Zaman Khan, u Nur-uz-Zaman, u Zaman Bhai, u Pradip, bad u Paban Baruah.
U Paresh Baruah u dei u Chairman bad u Self-Styled Commander-in-Chief jong ka kynhun ULFA (I). Ha ryngkat bad u, ki NIA kila charge-sheeted ruh ia u Abhijit Gogoi (ba kyrteng sin kum u Aishang Asom, u Rumel Asom, bad u Dhanajoy Moran) bad kumjuh ruh ia u Jahnu Boruah (kyrteng sin ba la tip kum u Arnob Asom bad u Huntu).
Kine baroh lai ngut ki la shah pynngat ha ki kyndon ain bapher bapher jong ka Bharatiya Nyaya Sanhita (BNS), ka Unlawful Activities (Prevention) Act (UA(P)A), bad ka Explosive Substances Act.
Katkum ka NIA, kine ba shah kynnoh kidei kiba donkti ban pynbthei bom IED ha Dispur Last Gate ha Guwahati, kum shi bynta ban dang pynheh ia ka kynhun ULFA (I) da kaba thmu ban pynthut ia ka jingrakhe Independence Day da kaba pynbtehi bom ha kylleng ki jaka ha Assam.
Ka Agency ka la pynpaw ba ka jingthmu ba la thmu ban thombor ka long ban wanrah ïa ka jingduh ïa ki mynsiem briew bad ki mar ki mata bad ban pynrung ïa ka jingtieng ha ki paidbah.
Katei ka case (RC-03/2024/NIA-GUW) kaba la aiti sha ka NIA ha u bnai Nailur jong u snem 2024, bad ka dang don ha ka jingtohkit.
 ha ka sngi Thohdieng kala aiti ia ka chargesheet pyrshah ia lai ngut ki briew kiba iasylla bad ki ULFA (Independent) ban pynbthei bom IED ha kylleng ki bynta ka Assam ha ka sngi rakhe ia ka Independence Day 2024.){kind=link}