Guwahati, Nailar 21 : Ka Sorkar Jylla kala pynmih ia ka notice ba buh kyndon ia ka rukom phong riam jong ki Nonghikai kiba hikai ha ki Higher Educational Institute.
Kat kum kane ka hukum, la bthah ia ki nonghikai jong ki Higher Education Institute ba kin ym phong shuh ia ki riam casual kum ki T-shirt, jeans bad leggings.
Ka tnad School Education ka pynpaw ba kam lah satia ban pdiang ba ki nonghikai kim phong riam ba wan sha skul hala ka jong ka mon.
“Katto katne ki nonghikai jong ki higher educational institute la shem ba ki smat ban phong ia ki riam kat kaba ki sngewbit ha kaba don ki khep ba kim ilong satia kaba itynnad da ki riew paidbah” ong ka jingpynbna bala pynmih da ka Tnad Higher Education ka Assam.
Ka Sorkar kala bthah ia ki Nonghikai shynrang ba kin wan sha skul da ka riam ba kynthup iaka sopti formal bad ka paltun, dhoti-pyjama. Kumjuh ruh ia ki nonghikai kynthei kin wan da ki salwar suit/saree/mekhela-chador bad kiwei ki riam tynrai.
Kala ong ruh ba namar ka jingkhmih lynti ba ki nonghikai kin long ki nuksa ha baroh ki jinglong ba don akor, khamtam haba wan sha skul, ka long kaba donkam ban bud ia ki kyndon phong riam.
Pule ruh: Iakynduh ki Sengbhalang ia u CM, kyrpad ban pyllait noh ia ki Dkhot ba shah kem
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
