Guwahati, Iaiong 21 : U President ka Assam Pradesh Congress Committee Bhupen Borah ha ka sngi U Blei, ula kob ia u Myntri Rangbah ka Assam Himanta Biswa Sarma ba un hiar shuki noh lada u Gaurav Gagoi u jop ia ka elekshon Lok Sabha na Jorhat Parliamentary constituency.
Kane ka jingkynthoh kala mih hadien ka jingkam ba u Gaurav Gagoi un sa rem noh na Jorhat bad ka BJP kan sa jop na kane ka constituency.
Haba iakren bad ki lad pathai khubor ha Rajiv Bhavan, Guwahati, u Borah ula ong “Nga kob ia u Myntri Rangbah ka Assam Himanta Biswa Sarma ba un hiar noh na ka shuki Myntri Rangbah lada u Gaurav Gagoi u jop na Jorhat Lok Sabha seat”.
U Borah ula ong ba u Sarbananda Sonowal un sa rem kput na Dibrugarh khamtam lei namar ka CAA. Ka Dibrugarh ka dei ka jaka pdeng jong ka CAA.
U Borah ula ong “U Myntri Rangbah ula klet biej bad um lait kren bha shuh. Ha manla ki rynsan, u CM ula pynhap ia u micro phone bad sdang ban shad. Kum u Myntri Rangbah ka Jylla, balei phim kren ia ki kam ba iadei bad ka jingbym iohkam iohjam, balei phim kren ia ki ishu kiba kongsan”.
U Borah ula pynshai ruh “Lada u Muntri Rangbah u hap ban shad ka mut ba u smat peit phlim. Iaka shuku CM dei ban ai noh sha kiwei. Ula dei ban leit iasnohkti lang ba ka kynhun Bihu. Balei ba u iadonbynta ha ka kam sain pyrthei. Ki riew sain pyrthei ki donkam ban sngewthuh iala ka kamram bad jingbahkhlieh…..ngi wan hangne ym ban pynbyrngia briew”.
