Guwahati, K’lyngkot 26: U Myntri Rangbah ka Assam Himanta Biswa Sarma ha ka sngi Thohdieng ula pyntip ba palat 25 lak ngut ki Kynthei na Jylla kila dep shim ia ki phorm ban aplai ia ka skhim sengkam ba hehduh ka Jylla ka Mukhyamantri Mahila Udyamita Abhiyan (Chief Minister’s Women Entrepreneurs Sheme) bala pyllait paidbah ha ka 14 tarik K’lyngkot.
Haba kren na ka rynsan rakhe Republic Day ha Khanapara, u Himanta ula kren halor ka thong ban pynkylla ia ki Kynthei na ki shnong Nongkyndong sha ki nongsengkem, da kaba buh thong ban pynlong iaki kum ki Lakhpati.
Ka Mukhyamantri Mahila Udyamita Abhiyan (Chief Minister’s Women Entrepreneurs Scheme), kaba dei ka skhim ki Kynthei kiba don ha ki Self Help Group (SHG), ka buh thong ban lah pynmih kamai haduh T.1 lak ia kawei pa kawei na ki 39 lak ki nongsengkam lyngba ka jingkyrshan ba pisa ba kot T. 35,000.
U Himanta haba thoh ha X ula ong “Palat 25 lak ki kynthei kila aplai ia ka Mukhyamantri Mahila Udyamita Abhiyan (Chief Minister’s Women Entrepreneurs Scheme) ka ban pynioh kamai haduh T. 1 lak shisnem marwei marwei napdeng ki 39 lak ki nongsengkam lyngba ka T.35,000 bala ai song jingiarap da ka Sorkar.
Ula ong ba ha ka sienjam ba nyngkong, ki Kynthei kin hap ban shna ia ka business plan bad ki lah ruh ban iathaw da ka kynhun ha kaban pyniaid shakhmat ia ki kam ba ki thmu ban trei.
“Shisien ba kila aiti ia ka plan sha ngi bad pyndep ia baroh ki jingdonkam, ka Sorkar kan sa pynthep ia ka pisa ba T. 10,000 ha ki bank account jong ki ha u snem ba nyngkong. Kumta ki 39 lak ngut ki kynthei kin ioh 3900 klur na ka Sorkar” ong u Himanta.
 bala pyllait paidbah ha ka 14 tarik K’lyngkot.){kind=link}