Guwahati, Rymphang 13 : Ka Kynhun Sorkar ka Assam ha ka sngi Nyngkong kala ai ka jingmynjur ban bei tyngka ia palat T. 1500 klur na ka bynta ki 12 tylli ki project kiba hap hapoh ka Asom Mala 2 scheme.
U Myntri Rangbah ka Assam Himanta Biswa Sarma ula pyntip ba ka pisa ba T. 1510.98 klur la mang ban pyntrei ia 12 tylli ki project hapoh ka Asom Mala 2 scheme, kaba la paw ruh ha ka mang tyngka bala wanrah ha ka sngi Nyngkong hapoh ka Iingdorbar Thaw Ain.
Haba iakren bad ki Nongthoh khubor, u Myntri Sorkar Jayanta Mallabarua ula ong ba ka Kynhun Myntri kala mynjur ban bei tyngka ia kine ki 12 tylli ki project kiba kynthup ia ki surok kiba kongsan bha hapoh ka Jylla.
Ka Kynhun Myntri ka la rai ruh ban pyllait ia ka Basundhara 3 scheme, nabaka Basundhara 2 scheme kala kut noh ha ka 16 tarik Rymphang.
U pyntip ba ki paidbah kin sa ioh ia ki pata khyndew hapoh kane ka scheme naduh ka 23 tarik Rymphang haduh ka 29 tarik Rymphang.
