Guwahati, K’Lyngkot 25: Ki elite commando jong ka Central Reserve Police Force (CRPF) ki dang pynlong ia ka jingkhynra ba jur bha pyrshah ia ki lehnoh ha ki khlaw jong ka Arunachal Pradesh ban pynthikna ba ka jingrakhe ia ka Republic Day kan iaid beit iaid ryntih.
Ka ri India kan sa rakhe ia ka sngi Republic Day kaba 77 ha kane ka kynti bad ka la pynkhlain bha ia ki lad jingiada lyngba ki bor pahara ha ki jaka khappud jong ka jylla.
Ka commando ba paw nam bha jong ka CRPF ki don ia ka bynta kaba kongsan ha kaba kila pynlong ia ka jingkhynra ia ki kynhun lehnoh jong ka thain.
Ha ka jingkhynra, ki elite commando ki la pyni ia ka jinglong ba tbit ka jong ki bad ka jingtbit ba ha khlieh duh kumno ban khanglad ia ki lehnoh ban pyndep ia ki jingthmu ba sniew jong ki ha ka jingpynkhreh ia ki sngi kiba kongsan jong ka ri kum ka Republic Day bad ka Independence Day.
Kine ki comando ki pyndonkam ïa ki tiar kum ki AK Series rifles, ki Under Barrel Grenade Launcher, ki Light Machine Guns, ki Mortars bad ki Rocket Propelled halor kiwei kiwei de ki tiar ha ka por ba ki pynlong ia ka jingkhynra.
Ki ksew kiba la shah hikai bha kum u Belgian Shepherd kila synra lag ia kine ki commando ha ka por ba ki pynlong ia ka jingkhynra.
U ophisar uba lam khmat ia kane ka jingkhynra u la batai lyngkot ia ki briew jong u shaphang ka jingthmu, bad kat kum kata, ki iaid shakhmat ha ka jaka kaba don ki khlaw kiba rben ban wad bad pynduh ia ka thong jong ki da kaba jop.
Ka jingtreilang ka la iaid shaphrang ha ka thain TLC jong ka Arunachal ban pynpulom ia kino kino ki jingthmu ha ka por ba pynlong ia ka jingrakhe.
 ki dang pynlong ia ka jingkhynra ba jur bha pyrshah ia ki lehnoh ha ki khlaw jong ka Arunachal Pradesh ban pynthikna ba ka jingrakhe ia ka Republic Day kan iaid beit iaid ryntih.){kind=link}