Dibrugarh, Risaw 19: Ka Khonsa Batallion jong ki shipai Assam Rifles kila ioh ban pyllait im ia ar ngut ki nongbylla kiba la shah rahbor ha ki dkhot ka kynhun lehnoh NSCN-K na Tirap district jong ka jylla Arunachal Pradesh.
“Haba pynshong nongrim katkum ka jingtip ba la ioh ha kaba iadei bad ka jingshah rahbor ki nongbylla jong ka M/S Agarwal kiba trei bad shna surok ha ka shnong General Area Lahu, Dadam Circle kaba hap ha Tirap District ha ka 18 tarik u Risaw, 2025 da ki dkhot ba 7 ne 8 ngut da ki dkhot ka kynhun ehrang jong ka NSC- K. Ia kane ka operation la thmu bad plan da ka was Khonsa Batallion Assam Rifles,” la ong ki heh ophisar.
U la ong, “Ha ka joint operation bad ki pulit ka Longding ha kaba hiar thma ha General Area General A Ngisa K Nokna tr bad Gen A Nginnu K Nokna tr ban ioh pyllait im ia kine ki ar ngut ki nongbylla kiba la shah rahbor”.
“Hynrei, kam shym la don kino kino ki dak ki shin da ka kynhun kiba pahara miet ban lap ha ka jingwad bniah jong ki shipai ha ka thain ha first light. Ha ka por kumba 5.50 am ha ka step 19 tarik u Risaw u wei na ki dkhot ka seng lehnoh kila siat sha ka kynhun shipai bad mar mar kila pynphai kylla ha ryngkat bad ka jingthmu ban pyllait im ia ki ar ngut ki nongbylla. Ha kane ka jingther kuli mar kylliang ha ryngkat bad ka jingwad bniah bad la ioh ban pyllait im ia kine ki ar ngut,” ong u ophisar.
Kane ka operation kaba jop ka dang iaid shaphrang bad ka pyni ia ka jinglen lade jong ki shipai Assam Rifles ban pyntikna ban pynneh ia ka shong suk shong sain hapoh ka dong ka thain.
Ka kam rahbor bad dawa pisa kala kylla long ka business na ka bynta ka NSCN kaba trei kam eastern Arunachal Pradesh. Kane ka kynhun ka buh ia ka thong ban thom ia ki nongbylla bad ki mangers kiba ia bylla shna surok.
“Na ka daw ki kam kai khlaw hapoh ka eastern Arunachal kala kylla long ka thain ban duna bha ka roi ka par. Kane ka kynhun ka buh thong beit ia ki businessmen bad ia ki briew kiba ia don kti bad ia don bynta ha ki kam shna surok.Ngi kwah ban pynduh jait ia kum kine ki jait pyntriem bapher bapher ” la ong u wei u nongshong shnong.
