-->

Arunachal Pradesh | Kem ka ACB ia u engineer ba dawa pisa na ka project bording

Date:

Share post:

Itanagar, Naitung 19: Ka tnad Anti-Corruption Bureau (ACB) jong ka sorkar Arunachal Pradesh kala kem noh ia u Executive Engineer (Electrical) ka Sagalee Electrical Division, u Tade ha ka sngi Palei katba u dang pdiang ia ka pisa kaba kot T. 40,000 hajar ba u dawa na ki contractor.

La apshrip ia u haba pynshong nongrim katkum ka jingujor ba la mudui da u Nabam Jaane, ba kynnoh ba u la dawa pisa ban pyllait ia ka bill kaba kot 7,00,000 lak na ka jingtrei “extension ba 11 kv line na Seema sha ka shnong Poteh, ba kynthup ruh ia ka c/o LT line and substation under Parang circle.”

La register case pyrshah ia une u engineer hapoh ka Sections 7 and 13 (2) jong ka Prevention of Corruption Act, 1988 ha ka sngi Palei.

“U nongujor u la kynnoh ba wat lada u la dep ban pynbiang lut ia baroh ki jingdonkam hynrei u la pynslem pat ban pyllait ia ka pisa bad la kynnoh ruh ba u la dawa pisa 13% na ka bill na ka jingmyntoi shimet ha kaba iadei bad ka LOC clearance,” ong ka ACB.

Ka ACB mar mar kala shim khia ia kane ka jingujor da kaba pynap shrip bad ioh kem mar khmat katna u dang pdiang ia ka pisa.

Na ka liang jong ka ACB kala pynpaw ban leh da kaba tyngeh katkum ka ain pyrshah ia u ophisar sorkar uba ban sap bad kila kyntu ruh ia ki paid nongshong shnong ba kin mih sha khmat ban ujor ne ai jingtip halor ka jingleh bakla ki shakri sorkar sha ka ACB, kaba don ha civil secretariat.

Share post:

-->
spot_img

Popular

More like this
Related

Kynjoh ka skul Edren sha u mawmer ba 30 snem

Nongstoiñ, Nailur 27: Ka skul Edren Memorial Secondary School...

Palat 10,500 ngut poi iashimbynta ha ka 4th Sohra International Half Marathon 2025

Shillong, Nailur 27 : Haduh 10,576 ngut ki nongmareh...

Over 10,500 runners join 4th Sohra International Half Marathon 2025

Shillong, Sept 27: The 4th Sohra International Half Marathon...

Khring bha ka Meghalaya ia ki nongwan shangkai | Kiew bunshah ka jingwan ki nongwei

Shillong, Nailur 27: Ka kaiphod jong ka India Tourism...