Guwahati, Nohprah 29 : Ka National Socialist Council of Nagalim NSCN-K(YA) kala shim ia ka jingkitkhlieh halor ka jing pyniap ia u Yumsen Matey, MLA barim ka Khonsa West, Arunachal Pradesh.
Ha ka kyrwoh bala pyllait da ka NSCN-K (YA), la ong ba ka kynhun kala lap ba u Matey u donkti ha ka jingkynshoit bad ialap ban leh pyrshah ia ka NSCN hapoh ka Tirap District ka Arunachal Pradesh.
Kane ka kynnun kala kynnoh ba u Matey ula iasuhbuit sopsop bad ka NSCN/GPRN, kaba pyni ia ki kam shet kylla pyrshah iala ki jong ki briew bad ruh ia ka jingiakhun jong ki paid Naga.
Ka NSCN-K (YA) kala kam ba la pynlong sohpdung ia u Matey bad pyniap namar ki kam ba ula leh ia kiba ka kynhun ka seng ba ka ktah jur ia ka NSCN.
U Yumsem Matey ula shah siat iap ha ka kynhun ki ehrang kaikhlaw ha ka shnong Rahu kaba hap hapoh ka Lazu Police Station, Arunachal Pradesh, myn ha ka 16 tarik Nohprah, 2023.
U Matey ula shah rahbor ha lynti ban leit sha ka jingialang ha Shnong Rahu ha ka 16 tarik bad nangne ka kynhun ki ehrang kaikhlaw kila kit ia u shajan khappud ka India-Myanmar bad siat iap syndon ia u.
U Matey u dei u MLA ka Khonsa (West) naduh u snem 2009 haduh 2014 na ka ticket ka congress bad ha u snem 2015 ula leit pyniasoh ialade sha ka BJP.
U dei ruh u kyrtong uba la pynkhreh ban iakhun ia ka elekshon ban wan jong ka Arunachal Pradesh na Khonsa (West) Assembly constituency.
