Shillong, Nohprah 29 : Ban rakhe ia ka lyngkhuh sngi iap ba 161 jong u Woh Kiang Nongbah, ka Khynroo Khyllood Committee (KKC) ha Seinraij Jowai, hynne ka sngi Thohdieng kala pynlong ia ka Blood Donation Camp ha Jowai Civil Hospital Blood Bank, Panaliar, Jowai.
Kane ka jingai snam kala sdang da ka jingialang ba lyngkot kaba la pyniaid da u Bah Sienmi Lato, Chairman ka Committee.
U Bah Arwotki Sumer, General Secretary ka Seinraij Jowai, ula pyntip ba kane ka dei ka sien kaba lai ban synniang snam da ka Committee ban kynmaw burom ia ka lyngkhuh sngi iap u Woh Kiang Nongbah.
Ha kane ka camp, haduh 13 ngut ki dkhot jong ka Committee kila synniang ia ka snam.
