Itanagar, Aug 17: Saw ngut ki nongleh bymman ki la lait phet na ka along ka Iingkashari ha Namsai district jong ka Arunachal Pradesh ha ka miet sngi Saitjain.
Katkum ka khubor, kine ki runar kila pynpra ia ka grill jong ka ventilator bad pynmynsaw ia u nongap pahara uba don ha ka kam, hashuwa ba kin phet krad na kane ka along.
Kine ki riew runar ki kyrteng u Arjun Kanda, u Gopal Munda, u Robin Surin, bad u Mineswar Dihingia.
Napdeng kine la iathuh ba u Mineswar Dihingia u dei uba iadon bynta bad ka NSCN (U).
Ki bor pahara ki la pynlong ia ka jingthwet bad ka jingkhynra kaba jur.
“Ngi la dep phah ia ka khubor sha baroh ki outpost. La sdang ia ka jingthwet ban kem ia kine ki runar. Ngim tip kumno ki la pynpra ia ka grill ventilator hynrei ka jingtohkit jong ngi ka dang iaid shakhmat,” ong uwei u heh pulit.
Kham mynshwa, ha u Kyllalyngkot 2024, ka jingïatreilang hapdeng ki bor pulit jong ka Arunachal Pradesh bad ka Assam ka la pynlong ïa ka jingkem ïa uwei u koidi uba la lait phet na phatok ha Naharlagun.
Une u koidi uba la tip kyrteng kum u Isahan Deori u la shah kem mynshwa katkum ka kyndon 303(2) jong ka Indian Judicial Code ha Lakhimpur, Assam.
Ha ka 12 tarik Jylliew, 2021, hynriew ngut ki koidi ba dang shah bishar ki la phet krad na kawei ka phatok distrik ha Arunachal Pradesh da kaba thombor ïa ki nongap pahara da u sohmenken, ka mluh bad u sohmarit.
Kane ka jingjia ka la jia ha phatok jong ka East Siang district kaba don ha ka district headquarter, Pasighat.
.Ki bor pahara ki la pynlong ia ka jingthwet bad ka jingkhynra kaba jur.){kind=link}