spot_img

Ar sien ar wat jop ka Khliehmawlieh ïa ka Swahid Trophy Football ha Assam

Date:

Share post:

Nongstoiñ, Naiwieng 28: Ka kynhun ïalehkai kynjat bol kaba la paw bha ha ka thaiñ Nongstoiñ kaba la tip kum ka Khliehmawlieh Youth Club, ka la ïoh ban khur ïa ka nam lahduh ha ka jingïalehkai ba la pynïaid da ka Janata Sangha ryngkat ka jingïasnohktilang bad ka Puranmal Jain Foundation, ïa kaba la pynlong ha ka Janata Playground Bondapara, kawei na ki sor heh kaba dang hap hapoh ka kamrup District jong ka jylla Assam.

Lah ban kdew hangne ba katei ka lympung ïa kaba la tip kum ka 38th Swahid Trophy Football Competetion 2022 ka dei ruh kawei na ki lympung kaba heh bha ha katei ka thaiñ, kaba la ithuh ruh da ka All India Football Federation AIFF.

Ka dei ruh ka lympung kaba shu khot sngewbha (invitation tournament) bad ka kynhun kaba na Nongstoiñ, ka la ïoh ruh ban khur haduh ar sien lynter ïa ka nam lahduh jong katei ka lympung, kaba kynthup ïa ka lymgpung ba 37 kaba la pynlong mynshem snem bad kaba 38 kaba mynta u snem 2022.

Ha ka jingïalehkai final kaba la long dang shen, ka Khliehmawlieh Youth Club ka la ïakynduh pyrshah bad ka Guwahati Navajyoti Football Club, ha kaba ka jingïakhun ka la long kaba la ïakhaid bha hapdeng kitei ki ar kynhun.

Hynrei tad haduh ba la kut noh ki 90 minit, ym shym la don ba lah ban thep kol. Kumjuh ruh wat haba la pynïakhun biang da kaba pynjlan por, pynban ym shym la don ka kynhun kaba la lah ban thep kol.

Ki nongpynïaid ki la pynlong da ka tie breaker bad dei tad hadien ka tie breaker, ba ka kynhun Khliehmawlieh YC na Nongstoiñ ka la jop da 5 la 4 kol bad rah syndon ïa ka nam lahduh ryngkat ka khusnam pisa bad ka Trophy.

Ha katei ka sngi ïa ka nam kum u nongap kol ba tbit tam la ïoh ban rah da u Hanbil Syiem jong ka Khliehmawlieh Youth Club.

Share post:

spot_img
spot_img

Popular

More like this
Related

“Nga sngewhun”, pynpaw u Bah Hek halor ka jingtreikam ka Sorkar MDA ba ialam ka NPP

Shillong, Naitung 29: U nongialam ka BJP bad Myntri...

Assam | Kyndang biang ka Sorkar ia ki Iing beain na ka jaka ba 11,000 bighas ha khappud Nagaland

Guwahati, Naitung 29: Ka sorkar Assam ha ka step...

Iatakhuh jingeh ka Shillong Ropeway Cable Car Project ba shah ujor mukotduma

Shillong, Naitung 29 : Ka Shillong Ropeway Cable Car...