Shillong, K’lyngkot 13 : Ki Pulit ka Jylla ki dang tohkit ia ka jingiap ba dang shen jong u Bipul Inghi, u nongtrei casual ha ka School of Technology, NEHU, uba la iap hadien ka jingur ha ka jingialeh sngewbha (party) ha phyllaw kane ka skulbah.
Kat kum ka jingong u Superintendent of Police ka East Khasi Hills Bah Vivek Syiem, u Inghi u iadonlang bad ki paralok, bad ki nongtrei ka NEHU ruh kumjuh, ha ka por ba jia kane ka jingjia, kaba la jia ha ka por 7:30 baje jong ka miet 6 tarik kyllalyngkot.
“Ngi dang ap ia ka kaiphod post mortem na Nongpoh ban pynthikna ia ki dak mynsaw bad ban pynthikna ba ki dei ki dak ba leh da ka jingthmu ban shim ia ka jingim ne ba shu jah ryngkhat” ong u Bah Vivek haba iakren bad ki nongthoh khubor ha ka sngi Ba-ar.
“Ngi hap ban bishar ia ki jingbatai (statement) bad ka kaiphod post mortem ban pynthikna ba kumno kiei kiei baroh ki jia” ula ong.
 ha phyllaw kane ka skulbah.){kind=link}