Shillong, Nohprah 05 : Ki bor District ki dang ap ia ka jingai jingbit jong ka Iingkashari ba kin pynkit noh ia u dewiong ba 3039-92 MT ba tih beain na ka shnong Rajaju bad Diengngan, South West Khasi Hills sha ka depot jong ka Coal India Limited (CIL).
Ia une u dewiong yn sa die lilam kat kum ka Mines and Minerals (Development and Regulation) Act, 1957, hadien ka jingai jingbit ka Iingkasahri. Ki bor district kila leit tied ia ka jingkhang ka Iingkashari ban pan ia ka jingbit ha kaban pynkit noh ia une u dewiong.
“Tang mar syn pynmih ia ka hukum da ka Iingkashari ba dei khmih, ka kam ban pynkit ia u dewiong bala tih beain sha ka depot No 7 ha Nongjri, kan sa sdang noh” ong ka Justice BP Katakey Committee ha ka interim report ba 34, bala aiti sha ka Iingkashari Meghalaya High Court.
Ki bor district kila kyrpad ruh ban ai pisa na ka Tnad Mines & Resources (DMR), Meghalaya, ban pynlut ha ka baikit bai bah ia une u dewiong. La kyntu ia ka DMR ba kan pynkloi noh ha kaban pyllait ia ka pisa.
“Ka DMR, Meghalaya ka dei ban ai jingmynjur wut wut ia ka jingtyrwa jong ki bor District ban pyllait ia ka pisa” ong ka kaiphod.
Une u dewiong ia mynta u don ha ka shnong Rajaju bad Diengngan bad ka jingpynkit ia ki kan shong eh ha ka jingmynjur jong ka Iingkashari bad ka jingbud ryntih kat kum ki ain ki kyndon kiba don.
.){kind=link}