Shillong, Naiwieng 28: Ka North East Petroleum Mazdoor Union (NEPMU) kaba die ka synjuk ki kali kit Umphniang (Petrol/Diesel), kala rai ban pynsangeh ia ka jingwan pynpoi petrol/diesel sha Meghalaya naduh ka 29 tarik Naiwieng (sngi Balang) namar ka jingkynnoh shah thombor palat ha ki Pulit ka Ri-Bhoi District.
Kane ka Seng kala rai ban nym pynpoi shuh ia ki mar (umphniang) kiba dei jong ka IOCL, BPCL bad HPCL.
Ha ka shithi bala phah sha u Myntri ka Tnad Food, Civil Supply and Consumer Affairs, ka Sorkar Meghalaya, ka NEPMU ka la pynpaw ia ka jingsngewkhia halor ka jingshah leh tohmet jong ki nongniah bad nongbud jong ki kali kit umkhniang ha ki Pulit ka Meghalaya ha Ri-Bhoi District ( kaba sdang naduh ka 18 mile) naduh ka 24 tarik Naiwieng, halor ka nongrim ba ka don ka jingkhaii tuh.
U General Secretary Ramen Das ula iathuh ia kaei kaba long ba man bad ong “Naduh ka 24 tarik Naiwieng, 2023, ka Tnad Meghalaya Police kala pynsajia bha ia ki dkhot jong ngi, ki nongniah bad nongbud ki kali kit umphniang ha Ri-Bhoi District kaba sdang naduh 18 mer.
Ula ong ba ki Pulit kila bat jubor ia katto katne ki kali kit umphniang kiba ieng shabar ka Dhaba ban bam jingbam ha 22 mer bad file case ruh pyrshah ia ki khlem kano kano ka daw.
Ula iathuh ba ha ka sngi kaba bud, ki Pulit kila bat biang ia ki kali kit umphniang khlem ka jingpynshisha, kaba wanrah ia ka jingsohsah ia ki briew ba niah ia kine ki kali. Namar kane ka daw, ki nongniah jong ki kali kit umkhrah kila sheptiang ban pynpoi ia ki umphniang sha Meghalaya.
U Das, ha kane ka shithi, ula ban jur ba lada don ki nongtrei kiba shah kem pyllein pyllein ba ki donkti ha ki kam beain, ki bor khmih ki lah ban leh eiei pyrshah ia ki kat kum ki kyndon ain.
“Ka NEPMU ka kloi ban iatreilang bad ki bor khmih khlem ka jingiapein. Hynrei, ki lui lui kim dei ban shah pyndik ha ka kyrteng ka jingsuba leh bymhok” ong u Das.
Ka shithi kala ong ruh “Ngi la ioh khubor na ki tyllong ba shaniah bha ba lada kino kino ki nongniah tanky umphniang ki kyntait ia ki jingkynnoh, ki Ppulit kila ktah kti ia u nongniah bad shu leh donbor ban shondur bad shim statement. Kine ki briew kila ai ka jingshakri bad buh ruh wat ia ka jingim lada ha ka jingma na ka bynta ki paid Meghalaya. Ki ruh kila rai ban nym pynpoi umphniang sha jong ka IOCL, BPCL bad HPCL sha Meghalaya naduh ka 29 tarik Naiwieng tad haduh ban da pynbeit ia kane ka kam”.
 kaba die ka synjuk ki kali kit Umphniang (Petrol/Diesel), kala rai ban pynsangeh ia ka jingwan pynpoi petrol/diesel sha Meghalaya naduh ka 29 tarik Naiwieng (sngi Balang) namar ka jingkynnoh shah thombor palat ha ki Pulit ka Ri-Bhoi District.){kind=link}