Shillong, Jymmang 10: Ka Sorkar Jylla ka dang ap mynta ia ka jubab na ka Election Commission of India (ECI) ba kan ai jingbit ha kaban pynbna noh ia ka kyrteng jong u/ka Ophisar IPS ki ban shimti ia ka shuki Director General of Police (DGP) ba thymmai ka Jylla.
“Ka Sorkar kala dep pynkhreh lut nadong hadong bad kaba sah ka long satang ban pynmih jingpynbna (notify)” ong u Symbud Myntri Rangbah ka Jylla ba khmih ia ka Tnad kam Pohiing (Police) Bah Prestone Tynsong haba iakren bad ki lad pathai khubor.
Lah ban kdew hangne ba ka UPSC kala phah ia lai tylli ki kyrteng jong ki Ophisar IPS ki ban shimti ia ka shuki DGP ka Jylla na u Dr LR Bishnoi u ban shongthait noh ha ka 19 tarik Jymmang.
Napdeng kine ki laingut ki kyrteng, ka Idashisha Nongrang, IPS (RR-1992) ka dei kaba hakhmat eh kaba paw kyrteng.
Namar ka jingtreikam jong ka Model Code of Conduct (MCC) jong ka Elekshon Lok Sabha hapoh ka Ri, kane kala khang lad ia ka Sorkar Jylla ba kan pynmih ia ka jingpynbna.
“Ngi tang shu ioh jingbit na ka ECI, ngi lah ban ioh shibit ne lashai ne lashisngi, ka mut ngin sa pynmih noh ia ka jingpynbna” ula ong.
Halor ki jingdawa bad jingai jingmut ban thung ia ka kong Nongrang kum ka DGP ba thymmai, u Bah Prestone ula ong “Kam don jingmut eh ba ngin sngap ia ki jingai jingmut kiwei…ka Sorkar kala dep leh nadong hadong”.
 ba kan ai jingbit ha kaban pynbna noh ia ka kyrteng jong u/ka Ophisar IPS ki ban shimti ia ka shuki Director General of Police (DGP) ba thymmai ka Jylla.){kind=link}