Shillong, Nailur 05 : Ka Myntri ka Koit ka Khiah Kong Ampareen Lyngdoh ha ka sngi Ba-ar kala pynpaw ba ka dang ap ia ka jingwan phai jong u Myntri Rangbah ka Jylla Conrad K Sangma ban shim rai halor ki jingujor kiba mih na ka bhah pule MBBS jong ka Sorkar Jylla.
“U Myntri u dang don shabar jong ka Jylla ba ngi lah ban sa iakynduhlang ha ka sngi Nyngkong ban wan bad ngin sa shim ia ka rai halor kane ka kam” ong ka Myntri haba iakren bad ki nongthoh khubor.
Ka Myntri ka pyntip ba ka Sorkar Jylla kan ssa shim ia ka rai halor ki jingujor kiba mih pyrshah ia ki katto katne ki samla pule kiba la shah jied ban ioh leit pule MBBS naka bhah ka Jylla.
Ka Myntri kala pyntip ia kane halor ka jingujor jong ka Khasi Students Union (KSU) ba dawa ban pynduh noh ia ki 10 ngut ki samla pule bala shah jied ban pule MBBS na ka Open Category namar ka jingbym lah ban aiti ia ki kot ki sla kiba donkti kynthup ia ki Permanent Residential Certificate (PRC) kat kum ka jingbthah ka DHS.
“Ngim ym pat lah ban kynthoh eiei halor kane namar ngim dei kiba don ia ka bor ban pynduh ia ka bhah halor ki kot ki sla bala aiti da u DC jong ka District. Ngi la pyntip ia u CM halor kane ka kam bad u lah ban leh eiei ia kane ka kam kham kloi katba lah” kala ong.
Pule ruh: Rakhe ka WJH ia ka sngi kyrpang ki Nonghikai
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
