Tura, Jymmang 12 : Ka Tura Civil Hospital kala rai ban pynkynriah noh ia baroh ki Nongpang na ka building ba dang shu tei thymmai hadien ka jingtwa khyndew ha lyndet kane ka jingtei, kaba la jynrat ia ka kynroh haduh bala paw lut sa u tyllong paia iing.
Ha ka kyrwoh, u Superintendent ka Tura Civil Hospital kala ong ba ka Hospital dang shen kala mad ia ka jingtwa khyndew kaba jur ha lyndet jong ka jingtei ba thymmai, kaba la rat napahg ia ka kynroh haduh ba paw lut sa ki paia iing. Namar kane, ki Ophisar ka District Disaster Management Authority (DDMA) kila pyntip ba kane ka jingtei ka don ha ka jingma khamtam ha ka por ba jur slap bad pom pyrthat.
Ban iada ia ka jingduh ki mynsiem, ki bor ka Hospital kila rai ban pynkynriah noh ia baroh ki nongpang na kane ka jingtei ba thymmai, kaba don ia ka ICU, Males Medical Ward, Orthopedic, ENT Ward, Psychiatry Ward bad OPD.
Katto katne na ki nongpang yn sa pynthiah noh ha ki lynti iaid jong ka jingtei kaba rim.
Ka jingtei ban maramot ia ka kynroh ba shah rong, kala sdang bad ki bor Hospital kila kyrpad ia ki paidbah ba kin iai shah ia kane ka jingeh tad haduh ban da lah pynthikna biang ba ka jingtei ka long kaba shngain.
