Shillong, Rymphang 11 : U Myntri Rangbah ka Jylla Conrad K Sangma ula pynlait ia ka ambulance sha ka HID Foundation, Shillong, hapoh ka Chied Minister’s Special Development Fund (CMSDF), kaba la nang pynkhlain ia ka jingshakri ka Foundation ia ka imlang sahlang bad ka jingtreikam jong ka shnat treikam, ka Risyon Sports Club.
Ha ka kyrwoh, ka HID Foundation kala pyntip ba ia kane ka ambulance la kyrpad naduh u snem 2019 bad ka jingmynjur ia ka, ka dei ka jingpynurlong ia ka jingdonkam bala slem bha jong ka Foundation. “Hadien hynniew snem ka jingpyrshang ba khlem sangeh, ka jingphohsniew jong ngi kala urlong shisha bad ngi dap da ka jingsngewnguh ia u Myntri Rangbah uba la ai ka jingkyrshan ia ka Foundation” ong ka kyrwoh.
Ka Foundation ka ong ba kane ka ambulance kan shim ia ka bynta kaba kongsan bha ha kaban iarap pynioh iaki jingsumar ha ka por kaba biang haba ka foundation ka pynlong ia ki prokram bapher bapher bad ki jingialehkai ba pyniaid da ka Risyon Sports Club.
Ka HID Foundation bad ka Risyon Sports Club ka pynpaw ia ka jingsngewnguh ia ka jingkyrshan ba khlem sangeh jong u Myntri Rangbah ka Jylla, haba pynpaw ba ki jingiarap kin nang pynkhlain ia ka jingpyrshang ka Foundation ban shakri ia ka imlang sahlang.
, kaba la nang pynkhlain ia ka jingshakri ka Foundation ia ka imlang sahlang bad ka jingtreikam jong ka shnat treikam, ka Risyon Sports Club.){kind=link}