Shillong, K’lyngkot 24 : Ki shipai Border Security Force (BSF) kila sam haduh 155 tylli ki shithi thungkam sha ki samla ba shah jied ban rung kam shipai na Meghalaya bad Arunachal Pradesh ha ka 18th Rozgar Mela bala pynlong ha BSF Campus, Umpling, Shillong, kaba la pynlong ruh kat kum ka jingangnud u Myntri Rangbah Duh ka Ri ban buh hakhmat eh ia ka jingaikam iajam ia ki samla.
Haba kren ha ka jingialang, u Inspector General, BSF, Meghalaya Om Prakaseh Upadhyay, ula ai khublei ia baroh ki kyrtong ba shah thungkam bad ong ba ka Rozgar Mela ka dei ka prokram bala shimkhia da ka Sorkar India.
Ula ong ba ka prokram ka phlang ia ki kabu bala wanrah na ka bynta ki pateng ban wan, ban pynthikna ba ki kyrtong kiba dei hok, kin ioh ia ka rynsan ban noh synniang sha ka jingshakri ia ka ri bad ka jingkiew ka ioh ka kot.
Haba ai khublei ia ki kyrtong ba shah jied, ula ong ba ka kam jong ki ha ki tnad bapher bapher ka don ruh ia ka jingbahkhlieh kaba jur ha kaban iada ia ka ri bad pyniaid shakhmat ia ka jingkiew irat ka ri bad ba ka jingshakri jong ki kan ai mynsiem ia ki pateng ban wan ba kin shakri ia ka ri.
U Ratan Lal Bagaria, DIG, PSO, ula pyntip ba kane ka Rozgar Mel aka dei kaba la pyniaid lang ha kajuh ka por ha kylleng ki jaka hapoh ka ri India.
Ha Shillong, 155 ngut ki kyrtong na Meghalaya bad Arunachal Pradesh kila ioh pdiang ia ka shithi iehnohkam ha ki Tnad treikam bapher bapher ka Sorkar Pdeng.
Kine ki shithi thungkam ki kynthup ia 76 ngut ki kyrtong ha ka tnad BSF, 42 ngut ha ka tnad CRPF, 20 ngut ha ka ITBP bad 11 ha ka Assam Rifles nalor kiwei kiwei.
 kila sam haduh 155 tylli ki shithi thungkam sha ki samla ba shah jied ban rung kam shipai na Meghalaya bad Arunachal Pradesh ha ka 18th Rozgar Mela bala pynlong ha BSF Campus, Umpling, Shillong, kaba la pynlong ruh kat kum ka jingangnud u Myntri Rangbah Duh ka Ri ban buh hakhmat eh ia ka jingaikam iajam ia ki samla.){kind=link}