Shillong, Jylliew 24: Ka Shillong Municipal Board (SMB), hynne ka sngi Nyngkong, kala aiti ia ka dur jong u nonglum pisa beain ha ka kyrteng ka Board (SMB) na ki nongshong dukan madan ha Shillong.
Nalor kane, ka Board kala aiti ruh ia ka receipt bala shna thok, kaba la sam da une u nonglum pisa sha ki nongshong dukan madan.
Ia kine ki sakhi, ka SMB kala aiti sha ki Pulit ha ryngkat ka ejahar ba kyntu ia ki Pulit ba kin kem bad ai jingpynsajia ia une u briew kat kum ki kyndon Ain.
Lah ban kdew ba dang ha ki khyndiat bnai, u Chief Executive Officer (CEO) ka SMB ula ujor ejahar sha ki pulit ba pyntip halor ka jingdon u runar uba leit khrong/lum pisa beain na ki dukan madan ha ka kyrteng jong ka Board.
La pyntip ba une u runar ula shna thok ia ka receipt ha ka kyrteng jong ka SMB bad ula leit lum pisa na ki dukan madan halor ka nongrim ba pynrung kyrteng ia ki nongshong dukan madan.
La ong ba une u runar ula shim kabu namar ka jingiaid ka jingpynrung kyrteng ka Town vending Committee (TVC) ia ki nongshong dukan madan kat kum ka Meghalaya Street Vending (Protection of Livelihood and Regulation of Street Vending) Scheme, 2023.
Kat kum ka jingong u CEO, ka TVC kam shym la shim pisa satia ban pynrung kyrteng ia ki nongshong dukan madan.
, hynne ka sngi Nyngkong, kala aiti ia ka dur jong u nonglum pisa beain ha ka kyrteng ka Board (SMB) na ki nongshong dukan madan ha Shillong.){kind=link}