Shillong, Risaw 22 : Ka Committee ba laingut ki Dkhot, kala aiti ia ka kaiphod sha ka Meghalaya Cricket Association (MCA) bad shem ba haduh phra ngut ki rang ialehkai cricket nabar Jylla, ki dei kiba lah ban mihkhmat ia ka Meghalaya sha ki lympung ialehkai Senior Men’s bad U-23 jong ka Borad of Cricket Control in India (BCCI).
Kane ka Committee ka dei kaba la thung da ka MCA halor ka jingmih ki jingpyrshah na kawei ka kynhun Sengbhalang, ka ba pyrshah ban jied ia ki rang ialehkai nabar Jylla ba kin mihkhmat ia ka Jylla sha ki lympung ialehkai ka BCCI.
Kane ka Committee ka kynthup ia u Vice President ka MCA Bah Rayonald Kharkamni bad arngut ki Council Member-Arwotki Sumer bad Sengnab Momin.
Hadien ka jingbishar ia ki kot ki slab a donkam-Birth Certificate, Aadhaar Card, Voter Identification bad kiwei kiwei, ka Committee kala shem ba phra ngut ki rang ialehkai nabar Jylla ki dei kiba lah ban mihkhmat ia ka Jylla.
Kine ki rang ialehkai ki kynthup ia u Jaskirat Singh Sachdeva, Arpit Bhatewara (baroh arngut ha ka Senior Men’s team), Rohit Kumar Yadav, Raghav Kumar Magotra, PM Santosh, Kevin Sanjeev Christopher, Abhishek Kumar and Sachin Kumar (baroh ha ka U-23 Men’s team).
Kine ki phra ngut ki lah “kat kum ki kyndon bala buh da ka BCCI” ban ialehkai ha ki District Level bad halor ka jingialehkai bha jong ki, ki lah ban mih kyrteng ha ka jingjied jong ka Meghalaya Cricket Association (MCA) ban mihkhmat ia ka Jylla ha ki lympung ialehkai ka BCCI, ong ka kaiphod jong ka Committee.
La ong ba kine ki rang ialehkai kiba pynbiang ia baroh ki kyndon bala buh da ka BCCI kaba la kren shai “Ki rang ialehkai ki lah ban mihkhmat ia kino kino ki Association ki Jylla halor ka nongrim jong ka Birth/Education/Work/Residency/Son or Daughter jong ki Nongtrei ka Sorkar Pdeng ba shakri ha ki Jylla jong ki Association ba kin ialehkai katba ki kmie kpa ki dang trei ha ka Jylla”.
Hynrei la ong, arngut ki rang ialehkai kila ioh ia ka Provisional Clearance da ka Committee ba kynthup ia u Sachin Kumar bad Rohit Kumar Yadav, kiba donkam ban aiti ia ka Original School Certificate bad Residential Certificate ba kin ioh ia ka jingbit.
Ha kajuh ka por, ka Committee kala rai ruh ba u Banialam Mylliemngat, uba khlem shah kynthup ha ka U-23 Men’s Tram, u lah ban shah jied hadien ba ula jem na ki jingmynsaw bad ioh ia ka fitness clearance na u Physiotherapist ka kynhun.
Nalor kane, ka Committee kala ai jingmut ba ka MCA ka dei ban bthah ia baroh ki District Association bala pyniasoh bad ka, ba kin pynshisha ia baroh ki kot ki sla jong ki rang ialehkai hashuwa ba kin phah ia ki sha ka MCA, kat kum ki kyndon jong ka BCCI.
Ka jingai jingmut ba khatduh jong ka Committee ka long ba uwei u Selector n aka Senior Men Selection Committee, u dei ban leit iadonlang hi dalade ha ki jingialehkai Home and Away ban peit ia ki jinglah ialehkai jong ki rang ha ki jingiakhun ba dang sah jong ka Ranji Trophy 2024-25.
 bad shem ba haduh phra ngut ki rang ialehkai cricket nabar Jylla, ki dei kiba lah ban mihkhmat ia ka Meghalaya sha ki lympung ialehkai Senior Men’s bad U-23 jong ka Borad of Cricket Control in India (BCCI).){kind=link}