Shillong, Jymmang 15 : Ka Jaintia Students’ Union (JSU) ha ka sngi Palei, kala aipor shibnai ia ka District Selection Committee (DSC) ka West Jaintia Hills ba kan pynlong ia ka eksam thungkam ha ki kam kiba lait bala pynbna naduh saw snem mynshuwa.
Ka kyrwoh bala pynmih da ka JSU ka ong ba dang shen kala iashong jingialang bad u Deputy Commissioner ka District haba iadei bad ka jingnang pynslem ban pynlong ia ka eskamin thungkam ia ki kam bala pynbna ba ki lait naduh ka 19 tarik Naiwieng 2021.
La iathuh ba haduh 92 tylli ki kam ki dei ki bym pat thung briew ha ki tnad bapher bapher lyngba ka District Selection Committee.
Ha ka jingialang, ka JSU kala maham tyngeh ia u Deputy Commissioner ba ka jingbym lah ban pynlong ia ka eksam hapoh ka por ba shibnai bala buh, kan pynbor ia ka seng kan shim ia ki lynti jingiakhih pyrshah ia ka jingiai pynslem.
Ka JSU kala kyntu ia u Deputy Commissioner ban pynbna noh mar mar ia baroh ki kam kiba lait ha ki tnad bapher bapher. Kala ong ba ka jingthungkam ha ka por kaba biang ym tang kan ai ka lad ban iohkam iohjam ia ki samla hynrei kan synniang shibun eh sha ka roi ka par jong ka West Jaintia Hills District.
 ha ka sngi Palei, kala aipor shibnai ia ka District Selection Committee (DSC) ka West Jaintia Hills ba kan pynlong ia ka eksam thungkam ha ki kam kiba lait bala pynbna naduh saw snem mynshuwa.){kind=link}