Shillong, Naitung 20 : Ka Sorkar Jylla ha ka sngi Palei, kala rai ban pynduna noh ia ka jingaipor ia ki Nongkhaii ba kin siew noh ia ka pisa jong ka khajna Value Added Tax (VAT) ba ki lum sha ka Sorkar Jylla.
Ka Sorkar kala shim ia kane ka rai ha ka jingialang jong ka Kynhun Myntri bala pyniaid hi da u Myntri Rangbah ka Jylla Conrad K Sangma.
Haba iakren bad ki nongthoh khubor, u Conrad ula ong ba ka jingthmu jong kane ka rai ka long ban pynbeit ryntih ia ka rukom lum ia ka VAT, ka ban nym ktah ia ka khajna bala buh sha ki nongsiew hynrei kan shu pynthikna tang ia ka jingiaid beit ka jinglum ia ka khajna bad ka por ba dei ban lum.
“ Da kane, kan ym don ka jingpynkylla ia ka dor (rate) bad kan ym don jingktah ia ki nongsiew VAT hynrei ka shu don ka jingpynkylla ba malu mala kum ka por kaba ki nongkhaii ki dei ban siew ia ka VAT sha ka Sorkar” ong u Conrad.
“Kum ka nuksa, mynshuwa haba phai sha ki Petrol Pumo, ki ioh por haduh 3 bnai ban siew ia ka VAT kaba mut ba lada ia ka VAT la lum ha ka sngi ba nyngkong, ki lah ban ap tad haduh ka sngi ba 100 ban siew ia ka pisa VAT ba kila lum ma ki. Kumta, ngi la pynduna ia kane bad ngi la buh ban long noh 30 sngi ha kaba hapoh ka shisngi kin hap ban siew noh bad kat ka pisa jong ka VAT ba kila lum, ki dei ban siew noh sha ka iarong tyngka ka Sorkar” ula bynrap.
Pule ruh: Pynbna ka FCI ban lilam ia u khaw bad kew sha ki Iew ki hat na ka skhim OMSSD
 ba ki lum sha ka Sorkar Jylla.){kind=link}