Shillong, Naitung 24: Ka seng Hynniewtrep National Youth Front (HNYF) East Khasi Hills hynne ka sngi Nyngkong, kala ai por arsngi iaka sorkar ban pynsangeh iaki jingtei thymai ha Them Iew Mawlong.
Haba kren sha ki lad pathai khubo, u President ka HNYF Shillong City bah Bless Dkhar ula ong ba ka seng ka sngewdiaw halor halor ka jingmih ki jingtei thymmai ha Them Iew Mawlong kumba paw ha ki lad pathai khubor.
U bah Bless ula ong ba kane ka jingmih ki jingtei thymmai ha Them Iew Mawlong ka long beain namar kane ka jaka ka dang don hapdeng ka jingbishar daka Meghalaya High Court.
Ula iathuh ba naka liang ka seng kala dep ban kynduh iaka tnat Shillong Municipal Board (SMB) bad ka MUDA hynrei kim shym la lah ban pynshai halor ka jingmih ki jingtei thymmai Them Iew Mawlong.
“Ka seng ka ai por ar sngi iaka sorkar kynthup iaka SMB bad MUDA ban pynshai halor kane bad lada ka sorkar kam ban pynshai halor kane, ka seng kan shim da kiwei ki sienjam ba tyngeh kynthup ban ujor daka ejahar” la ong u bah Bless.
