Shillong, K’Lyngkot 03: Ka Hynniewtrep Youth Council (HYC) Education Cell bad ka NEHUSU hynne ka sngi kala ai por 10 sngi iaka Sorkar Jylla ban pyllait iaka Scholarship 2022-2023.
Haba pynbna ia kane u General Secretary ka NEHUSU u samla Banpynbiang Riang ula ong ba kane ka jingpynslem ka Sorkar ban pyllait iaka Scholarship ka buh jingeh iaki samla pule khamtam kito kiba wan naki longing baduk.
U samla Banpynbiang ula ong ba kane kam dei shuh ka sien ba nyngkong ba ki samla pule ki hap mih madan ban iakhih tang naka bynta ka Scholarship.
“Ka Sorkar Jylla kadei ban pyllait noh ia ka Scholarship hapoh shiphew sngi bad lada kam lah baroh ki samla pule kin mih madan” la pynbna u samla Banpynbiang.
U samla Banpynbiang ula ong ba kane ka jingpynslem iaka Scholarship ka pynbitar ia ki samla pule bad ula byrngem ba kane ka jingleh ka Sorkar Jylla kan poi sha u pud ba ki samla pule kin rah daki tiar ban iakhih pyrshah iaka Sorkar Jylla.
Naka liang u President ka HYC u Bah Roykurpar Synrem uba wan kyrshan iaki samla Pule ula ong “Ka Sorkar Jylla kam dei ban ap pisa tang naka Sorkar Pdeng hynrei kadei ban pyndonkam daka Contingency Fund ban siew iaka Scholarship ki samla pule”.
U Bah Roykurpar ula ong baka HYC ka kyrshan iaka rai jong ki samla pule ban ai por 10 sngi iaka Sorkar Jylla bad lada ka Sorkar kam shim khia halor kane, ka seng kan sa shim da kiwei ki sienjam.
 Education Cell bad ka NEHUSU hynne ka sngi kala ai por 10 sngi iaka Sorkar Jylla ban pyllait iaka Scholarship 2022-2023.){kind=link}