Shillong, Lber 12 : U MP ka Tura Saleng A Sangma ula pynpaw ba ki jingkulmar ha ri-lum Garo kiba pynbor ban pynkynriah ia ka elekshon GHADC, ka lah ban dei ka buit politics haba ai jingiaroh iaki Pulit ka Meghalaya ia ka jinglah ban tem ia ka jingkulmar ba kan nym heh.
“Khublei ia ka Tnad Pulit ba kila lah ban tehlakam bha ia ka jinglong jingman lem kumta ka lah ban nang heh” ong u Saleng haba iakren bad ki nongthoh khubor hadien ka jingiakynduh ia u Lat ka Jylla CH Vijayashankar bad bynrap ba baroh ki Tnad kila iarap ban pynjai jai ia ka jinglong jingman.
Haba kylli la un dawa ia ka jingtohkit, u MP ula ong “Ngan nym ong ba nga lah tynruh mynta namar ka ain kan shim la ka jong ka lynti”.
Hynrei ula buh jingkylli ia ka jingmih ki jingkulmar ha kiwei pat ki thain ba shong suk haba pynpaw baka ri-lum Garo bad Meghalaya ki dei kiba ju shongsuk bha.
U ong “Lehse ki don kiba kynshoit iano iano” bad “phim lah ban tip la ka dei kaba buit politics lane don manp re kiba kwah shim kabu ia ka jinglong jingman”.
Ula pynkut “To ngin ia duwai ba kiei kiei baroh kin biang noh” bad kular ban pynlong ia ki jingiasyllok halor ka jingpynkylla ia ka rule jong ka Sixth Schedule hashuwa ban pynbna biang ia ka tarik jong ka elekshon GHADC.
