Tura, Nailar 30: Ka Iingkashari kala aibor biang ia ki Pulit ban kem ia u MDC ka BJP na Tura Bernard N Marak halor ka jingkynnoh donkti ha ka kam dawa pisa na ki Nongkhaii ba lam sha ka jingkiew dor ki mar ki mata ha Iew Tura.
U Bernard u dei u nongaibuit jong ka Meghalaya Chamber of Commerce, ka kynhun kaba la thaw da une u MDC ka BJP, kaba donkti ha lyndet ka jingkiew dor ki mar ki mata ha Tura.
U Chief Judicial Magistrate Court Tura ha ka sngi ba-ar kala aibor ia ki Pulit ban kem biang ia u Bernard halor ki kam beain ka Meghalaya Chamber of Commerce.
“Ia u Bernard yn sa kem lashai ka sngi na Tura Jail bad sa ialam tian bishar sha ka Iinglashari” ong u Superintendent of Police ka District Vivekanand Singh Rathore.
Ha kajuh ka por, u President ka Meghalaya chamber of commerce bad nongialam ma BJP u Wilver Danggo ula phet rieh mynta ban lait ba na ka jingshah kem ha ki Pulit.
La thwet ia u halor ka jingpynbor ia ki nongkhaii ban pynkiew ia ka dor ki mar ki mata namar ka jingdawa pisa ha ka dur jong ka Commission.
