Shillong, K’lyngkot 02 : Kum shibynta jong ka jinglehkmen ia ka jingwan u snem thymmai 2025, ka University of Science & Technology Meghalaya (USTM), kala pynbna ban ai sngewbha snem thymmai ia ki khynnah bad ki samla na ki shnong ba marjan ba kin ioh ia ka jingpule ei hapoh ka University.
Ia kane la pynbna da u Chancellor ka USTM Mahbubul Hoque ha ka step sngi Balang hakhmat ki spah ngut ki nongshong shnong ka thain kynthup ki Khynnah, ki samla, ki longkmie ba ki rangbah na ki shnong ba marjan ka University, kiba la wan sha kane ka skulbah ban ai jingkyrkhu na ka bynta u snem thymmai 2025.
Nalor kane, ula kular ruh ban iarap ha kaban ai jingkyrshan ia ki longiing ka thain kiba kwah ban sengkam sengjam, haba ban biang sa shisien ia ka jingthmu jong ka skulbah ban wanrah ia ka roi ka par kaba kyllum ia baroh hapoh ka thain.
Ula kren ruh halor ka jingkongsan ka pule dangle bad kyrpad ia ki kmie kpa ban pynthikna ba ki Khun ki dei ban ioh ia ka pule ka dangle bad ka skulk aba thikna.
Kane ka jinglehkmen ka long kaba shongshit da ki jingrwai nala tynrai, ki jingshad, ki jingiaid paidbah, bad ka jingieid kaba tehsong ia ka jingialong kawei hapdeng ki nongshongshnong.
U Vice Chancellor Prof GD Sharma haba ai jingkren ha ka jingialang, ula iaroh ia ka jingiadon bynta lang jong ki shnong ki thaw bad ban jur ia ka jinglongkam ka jingiatreilang hapdeng ka skulbah bad ki marjan marpa ha kaban kynjoh ia ka thong jong ka roi ka par.
Ula ia ban ia ka jingaiti jong ka USTM ban wanran ia ka jingkylla ha ka thain lyngba ka pule dangle bad ka ioh ka kot.
Ha kane ka jinglehkmen la wan iashimbynta ruh da ki samla pule bad ki dkhot jong kane ka skulbah. Ia kane ka jingleh kmen la pynwai da ka jingialang duwai happh ka phyllaw ka Central Auditorium.
, kala pynbna ban ai sngewbha snem thymmai ia ki khynnah bad ki samla na ki shnong ba marjan ba kin ioh ia ka jingpule ei hapoh ka University.){kind=link}