Shillong, Nailur 05: U Myntri Rangbah ka jylla u Conrad Sangma hynne ka sngi ula ai khublei Teachers Day iaki nonghikai.
Lyngba ka rynsan social media u Conrad ula ong “Nga ai khublei sngi kyrpang iaki nonghikai. Ngi ai ka jingiaroh iaka jingai jingshakri bad iaka jingprat lynti ki nonghikai iaki khynnah lyngba ka pule puthi”.
Wishing all our teachers a very Happy #TeachersDay. We salute their service, dedication and contribution in securing the future of our children.#teachersday2023 pic.twitter.com/2cRZGHMJY5
— Conrad K Sangma (@SangmaConrad) September 5, 2023
Man u snem iaka sngi kyrpang ki nonghikai lane ka Teachers Day la rakhe haka 5 tarik u bnai Nailur ban ai burom bad ban kynmaw iaka jingshakri jong ki nonghikai.
Lah ban kdew ba haka 4 tarik mynta u bnai shisngi shwa ban rakhe iaka Teacher’s Day ki nonghikai hapoh ka All Meghalaya Primary School Teachers’ Association (AMPSTA) kila pynlong ka jingiaid paidbah ban dawa naka sorkar ban pyntreikam biang iaka baibam tymmen bala pynduh ha u snem 2010.
Nalor ka baibam (Pension) ki nonghikai AMPSTA kila dawa ruh naka sorkar ban pyllait noh iaka Fourth Installment kaba 25% jong ki nonghikai Deficit, ban siew tulop man u bnai bad ban pynbit pynbiang iaki jingdonkam ban kyntiew iaka pule puthi.
Ka 5 tarik Nailur kadei ka sngikha jong u Dr. Sarvepalli Radhakrishnan uba dei ruh u Philosopher ba pawnam bad President baar ka ri India.
U Dr. Sarvepalli Radhakrishnan u ngeit skhem ba ka pule puthi ka long kaba donkam bad dei namar kane u shimkhia ban kyntiew iaka pule puthi bad dei namar kane ka sorkar India ka ainam iaka 5 tarik Nailur kum ka sngi kyrpang ki nonghikai lane ka Teachers Day.
