Delhi, Rymphang 10: Ka DoNER Minister kala mang ban ai iaka song pisa ba T. 126.94 klur sha ka Jylla Meghalaya ba kan shna ia ka Information Technology (IT) Park ha Tura, West Garo Hills.
Ia kane ka song pisa la ai hapoh ka Prime Minister’s Development Initiative for North East Region (PM-DevINE).
Ka shithi na ka Ministry ka pyntip ba ia kane ka kam dei ban sdang pyntrei noh hapoh ka hynriew bnai.
Ka Sorkar Jylla kan hap ban phah ia ka jingtyrwa mang tyngka bad ka kaiphod jong ka IIT lem bad ka kyrteng jong ka Project hapoh ka hynniew sngi naduh ba pyllait ia kane ka mang pisa kata ka 10 tarik Rymphang, 2024.
U Myntri Rangbah ka Jylla Conrak K Sangma ula ju kren bha halor ka jingbuh ia ki IT Park ha kylleng ka Jylla. Ha u snem 2022, ka Jylla kala plie ia ka IT park ba nyngkong eh hapoh Shillong.
“Ngi da thrang eh ba ka Meghalaya kan kylla long kawei na ki jaka pdeng ka IT” ong u Myntri Rangbah haba iakren bad u nongai khubor.
“Ngi don ia ki nongtrei bad ka IT sector kan plie ia ka lad ka lynti ia ki samla jong ngi. Kum ka Sorkar, ngi la pynthikna ban leh ia ki kam bapher bapher na ka bynta ka jingkiew jong ka IT sector hapoh ka Jylla” ula bynrap.
Haba thoh ha X, ula ai ka jingkhublei ia ka DoNER Ministry bad pynpaw ia ka jingsngewnguh ia u Myntri Rangbah Duh Narendra Modi bad u Myntri ka DoNER G Kishan Reddy.
 Park ha Tura, West Garo Hills.){kind=link}