Shillong, Lber 12 : Ka Kynhun Myntri ka Sorkar Jylla hynne ka sngi Ba-ar, kala ai jingmynjur ia ka Meghalaya Industrial and Investment Policy, 2024 ba thymmai, kaban plie lad ia ka jingkynshew kam ba palat T.10,000 klur da ki riew shimet nalor ban pynthikna ban aikam 90% ia ki trai shnong ha ka kyrdan Unskilled.
The cabinet today passed different agenda including Meghalaya Industrial Investment Policy, Meghalaya IT/ITeS Promotion Policy, 2024 and Creation of the Meghalaya Technology Parks.
The industrial and investment promotion policy will be the new growth catalyst with a vision to… pic.twitter.com/5NdIvch16Q
— Conrad K Sangma (@SangmaConrad) March 12, 2024
Haba kren sha ki lad pathai khubor hadien ka jingialang, u Myntri Rangbah ka Jylla Conrad K Sangma ula pyntip ia ba kane ka Policy ba thymmai yn sa pyllait paidbah ha ka 14 tarik u Lber. Hadien kane yn sa pynbud da ka jingiasoi ia ki katto katne ki soskular Memorandum of Understanding (MoU).
U Conrad ula ong ba lada kren kyllum, ka Industrial Policy ba thymmai ka pynleit jingmut ha ki ar bynta-kawei ka long ban aijam aijam bad ban kyntiew ia ki kam bala buh hakhmat kum ka kam jngohkai, ka rep ka riang, ka food processing, ka pule dangle, IT bad kaba ar ka long ban pynshlur ia ka jingthied ia ki mar napoh ka Jylla Meghalaya.
“Ngi la buh ruh katto katne ki kyndon ba ka jingaikam ia ki trai shnong ha ka kyrdan unskilled, shisien bala ai subsidy,ka dei ban kot haduh 90% na ki trai shnong” ong u Conrad.
Hynrei ula ong “Haba phai pat sha ki kam ba donkam ia ki briew bat bit kum ka nuksa, phi donkam ia ki engineer ban leh ia ki optical fibre lane ki special cook ia ki jait jingbam ba kwah bad lada ki trai shnong kim don ia kane ka sap treikam, ngi la ailad ba kumba 2 snem tang 25% yn donkam ban thungkam ia ki trai shnong hynrei ha kine ki arsnem kane ka nombor ka dei ban kiew sha ka 50% la kumno kumno ruh”.
Haba niew ia kane ka policy thymmai kum kawei na ki Policy kiba biang eh hapoh ka Ri, u Myntri Rangbah ula ong “Kane ka dei ruh kaba iaid ha ryngkat ka thong jong ka Jylla ban kynjoh ia ka 10 billion dollar economy”.
“Da kum kane ka policy bala don, ngi khmih lynti ba ngin sa tam palat ia ka shi billion dollar da T. 10,000 klur ka jingkynshew kaba ngi la buh ha kine ki 3-4 snem ban wan” ula ong.
U Myntri Rangbah ula pyntip ruh ba ka Sorkar Jylla dang shen kala wanrah ia ka Industries Meghalaya Agency (IMA) ban pynbeit ryntih ia ka kam kynshew kam hapoh ka Jylla.
.){kind=link}