Shillong, Naiwieng 27 : Ka Sorkar Jylla ha ka sngi Balang, kala ai jingmynjur ia ka Meghalaya Journalist Welfare Scheme, 2024.
Haba kren sha ki lad pathai khubor hadien ka jingialang jong ka Kynhun Myntri, ka Myntri ba khmih ia ka Information & Public Relation Kong Ampareen Lyngdoh kala ong “ Kane ka skhim lala treikam mynta bad ngi kmen bad ngin sa pyntip sha ki paralok nongthoh khubor na ka por sha ka por halor song jingmyntoi ban ioh na kane ka welfare scheme”.
Kat kum ka jingong jong ka, ka Sorkar kan sdang ban pyntreikam ia kane ka skhim naduh ka 1 tarik u Nohprah 2024. Kala ong ba kane ka dei ka jingkyrpad kaba la slem bha na ki nongthoh khubor ka Jylla.
“Ki don ki bynta jong ka Jorunalist Welfare Scheme kiba iasyriem kum ka Journalist Welfare Scheme jong ki snem bala leit. Kum ka nuksa ha shuwa kane, ngi don ia ka Journalist Welfare Scheme ba tang T.1 lak lada khlad ki nongpathai khubor. Ki don katto katne ki rule kiba donkam ban hap leh haba phi kwah ban ioh ia kane ka song. Kumta, kaei kaba ngi ong hangne ka long ba ka T. 1 lak ha kane ka juk ka dei kaba dang duna palat. Ngi la pynkiew ia ka sha ka T. 5 lak” kala ong.
“Mynta haba iadei bad ka jingleit sumar pang ruh, ki nong pathai khubor kiba don ia ki jingpang kiba jur kin ioh ban shim T. 50,000 ha ka skhim kaba rim hynrei mynta la pynkiew sha ka T.3 lak” kala bynrap.
Ka Myntri kala pyntip ba ka Committee kaba la thung da ka Sorkar ban khmih ia ka jingpyntreikam ia kane ka skhim kan sa rai ia ki kyndon ban pyntreikam ia kane ka skhim.
