Shillong, Lber 12 : Ka Kynhun Myntri ka Sorkar Jylla ha ka sngi Ba-ar, kala ai jingmynjur ia ka Meghalaya IT/ITeS Policy ka ban pynmih bad lah aikam aikam ia palat 15,000 ngut hapoh ka Jylla.
Haba kren sha ki lad pathai khubor, u Myntri Rangbah Conrad K Sangma ula ong “Kane ka dei kaba iaid kat kum ka Policy jong ngi ban pynkha ia ka iohkam iohjam ha ki IT sector bad kane ba kan long kaba jop, ngi lah ai ia ki jingmyntoi ba ha manla ka pynmih kam, yn ai ka song pisa ba T.3000 da ka Sorkar Meghalaya bad kan kot haduh ka T. 15,000 ka ban long kat kiba wan nyngkong.
The cabinet also approved the purchase of land at Rongakgre for landfill site in East Garo Hills. Through this initiative, the disposal of waste will be managed in scientific manner, wastes will be segregated and recycled.
Amendment to Meghalaya Urban Affairs Service (Gazetted)…
— Conrad K Sangma (@SangmaConrad) March 12, 2024
“Kumta, kano kano ka kompani ne karkhana kaba wan bad seng ia ki BPO sector hangne ha Jylla, ngin ai ia ka song ba T. 3000 ia ka kam ba ki pynkha bad ngi la buhthong bad khmih lynti ban gin lah ban pynkha sa 15000 tylli ki kam lyngba kane ka policy ai jingmyntoi hapoh ka Industrial Policy, kaba ka IT bad ITeS ruh kan ioh jingmyntoi lang” ula ong.
U Myntri Rangbah ula pyntip ruh ba ka Sorkar kala tyrwa ban thaw ia ka Meghakaya Technology Park Society. Ka Jylla kala depdon lypa kawei ka Technology Park.
Ula iathuh baka Phase-II jong ka technology park ha Shillong kaba iaid shaid shaid bad yn sa pyndep noh ia ka hapoh u Iaiong 2025.
U pyntip baka IP park kaba lai kan sa mih ha Tura, West Garo Hills District.
“I aka work order la dep ban ai hynne ka sngi bad ngi khmih lynti ba ka kam kan sdang noh bad kumta, ngi sngew ba ka dei ban don ka Society ka ban khmih ia kine ki Technology Park bad ruh ban pyniaid ia kine ki Technology ha ka rukom kaba dei bad kumta, ngi la thaw ia ka Meghalaya Technology Park Society” ong u Myntri Rangbah.
