Shillong, Nohprah 13 : Ka Kynhun Myntri jong ka Sorkar MDA hynne ka sngi ba-ar kala ai jingmynjur ia ka Grant-in-Aid sha ki hynniew tylli ki College Adhoc jong ka Jylla.
Hadien ka jingialang jong ka kynhun Myntri, u Myntri Rangbah Conrad K Sangma ula ong ba kane ka Grant ka long na ka bynta ki katto katne ki Nonghikai ha kaba 75% yn siew da ka Sorkar bad 25% yn siew da ki Managing Committee.
KIne ki College ki kynthup ia ka Raid Laban College, ka Women’s College, Tikrikilla College, Mahendraganj bad Sohra College. U ong ba kine ki hynniew tylli ki College ki dei ki bym pat ioh ia ka 5th Pay Commission.
“Namar kata, ka Sorkar kala shim ia kane ka rai hadien ka jingshem bad ka 5th Pay Commission ka treikam lang ia kine ki College. Ka don ka pisa jong ka arrear kaba hap ban pynkhuid khnang ba yn lah siew ia ka pisa” ula ong.
U Myntri Rangbah u pyntp ba ka jinghap pynlut pisa jong ka Sorkar kan long kumba T. 11 klur ha kine ki saw snem shiteng bala leit noh.
“Kane ka dei ka kam kaba la sahteng la slem bha bad mynta ngi la dep ban ai jingmynjur ia ka” ula ong.
