Shillong, Aug 28: Ki bor pyniaid district ka East Khasi Hills ha ka sngi Palei kila pynlong ia ka Career Guidance bad Counselling programme ha Soso Tham Auditorium, Shillong kum shi bynta jong ka Open Recruitment Rally na ka bynta ki samla riewlum jong ka jylla Meghalaya.
Ka jingthmu jong kane ka prokram ka long ban ai ia ki jingtip kiba bniah shaphang ka rukom pyn rungkam ia ki samla ha ka Border Security Force (BSF).
La pynlong ia kane katkum ka jingbthah jong ka Ministry of Home Affairs (MHA), ka sorkar India, kaba thmu ban pynrungkam ha ki 300 tylli ki kam kiba lait jong ka kyrdan Constable (General Duty) na ka bynta ki Scheduled Tribe ka jylla.
Ia kane ka prokram la plie da u Bah S.Warjri, MCS Additional Deputy Commissioner jongka East Khasi Hills, u Commandant Establishment BSF, Frontier Headquarter Shillong u Rajiv Kumar Sharma, u Lt Colonel uba la shongthait na ka kam u Bah Sebastian Marbaniang u Zila Sainik Welfare Officer, Shillong, Lt. Colonel ba la shongthait na ka kam u Bah Aibanjop Suting u Zila Sainik Welfare Officer ka Tura.
U Bah S. Warjri, ula banjur ia ka jingkongsna jong kane ka prokram ha kaba ula pynpaw ba ka bor pyniaid district ka thmu ban ai ia ka rynsan ia ki samla kiba don ia ka jingthrang ha kaban pynkhreh na ka bynta ban ioh rungkam.
Ula pynbna ba ka bor district kan ai ia ki jinghikai ei na ka bynta ban pynkhreh ia ka jingthoh eksamin ia ki samla kiba la pyndep ia ka Physical Efficiency Test (PET).
U Rajiv Kumar Sharma, haba kren kum u riewshempang ula pynbna ba kin don baroh 300 tylli ki kam kiba lait kiba la bhah na ka bynta ka jylla Meghalaya.
Ki jingtip kiba bniah ki long kumne harum:
Ha ka jylla baroh kawei, ki don 191 tylli ki kam kiba lait na ka bynta ki shynrnag bad 34 ngut na ka bynta ki kynthei.
Border Districts: 64 tylli ki kam kiba lait na ka bynta ki shynrnag bad 11 ngut ia ki kynthei.
Ki kam kiba lait baroh: 255 ngut ia ki shynrang bad 45 na ka bynta ki kynthei kaba long baroh 300 tylli ha Meghalaya.
Recruitment Process & Eligibility: Ka rukom pynrungkam kan long ha ki kyrdan bapher:
Ka jingpynmih ia ka jingpynbna lyngba ka Advertisements.
Ka jingthep ia ka splikeshon lyngba ka Offline.
Ka jingpynshisha iak I kot ki sla, Physical Standard Test (PST) bad ka Physical Efficiency Test (PET).
Ka jingthoh eksamin.
Ka Detailed Medical Examination (DME) bad ka Review Medical Examination (RME).
Ka jingpynmih ia ka thup kyrteng kiba la shah jied bad ka jingsam ia ka hsithi thungkam
Ki kyndon kiba lah ban ioh kam.
Ban lah ban iakhun dei ban long ki nongshong shnong ka ri India.
Ka rta kadei ban long 18 haduh 28 snem haduh ka 1 tarik u Nailar 2025, kaba kynthup ia ka jingpynjynsur 5 snem ia ka rta. Kane ka mut ba ki kyrtong kidei ban long kiba la kha hapdeng ka 2 tarik u Naialr bad 1 tarik u Nailar 2007. Ki nongaplai kidei ruh ban pyndep ia ka matrik ne klas X na ka Board ne University.
Physical Standards & Tests
Ki kyrtong ki hap ban don ia ki katto katne ki kyndon:
Ka jingjrong ka rynieng:157 cm ia ki shynrnag bad 147.5 cm ia ki kynthei
Ka shadem ia ki shynrang: 76 cm bad ka jingiar kaba ym palat ia ka 5 cm.
Ka jingkhia: Ka jingkhia kadei ban long katkum ka jingjrong bad ka rta jong ki nongaplai.
Ka Physical Efficiency Test (PET) ka kynthup ia ka jingmareh:
Shynrang: 5 km hapoh jongka 24 minit.
Kynthei: 1.6 km hapoh jong ka 8 minit bad 30 sekhon.
Ka jingthoh eksamin
Ka jingthoh eksamon kan long 100 mark ia ki jingkylli kiba rit (objective) dei ban pyndep hapoh ka 2 kynta. Ka syllabus kan kynthup :
General Intelligence & Reasoning
General Knowledge & Awareness
Elementary Mathematics
English/Hindi
Ka tarik kaba la antad ban pynlong ia ka jingpynrung kam
Ka jingpynrungkam la khmih lynti ban pynlong kumne harum:
Ka jingpynmih ia ka jingpynbna ne Advertisement: 18 tarik u Nailar 2025, haduh ka 1 tarik u Nailur, 2025.
Ka jingthep ia Aplikeshon & jingpynshisha ia ki kot ki sla: 2 tarik u Nailur haduh ka 18 tarik u Nailur 2025.
PST & PET: 22 tarik u Nailur 2025 haduh ka 9 tarik u Risaw 2025.
Ka jingthoh eksamin: 18 tarik u Risaw 2025.
Jingpynbna ia ka resol jong ka jingthoh eksamin: 22 tarik u Risaw 2025.
Medical Examination: 27 tarik u Risaw 2025 haduh 4 tarik u Naiwieng 2025.
Ka jingpynkhreh ia ka Final Merit List: 5 Tarik u Naiwieng 2025 haduh ka 8 tarik u Naiwieng 2025.
Jingpynbna ia ka Resol: 10 tarik u Naiwieng2025.
Ka BSF ka pynshlur ia baroh ki samla riewlum ka Meghalaya ban aplai bad ban shimkabu ia kane ka lad ban shakri ia ka ri.
