Shillong Nailar 09: Ka Tnad ka Koit ka Khiah ka jylla Meghalaya, ha ka sngi Thohdieng kala pynmih ia ka jingbthah ban shim ia ki lad ki lynti ban iada ialade na ka jingpang Guillain Barre’ Syndrome (GBS).
“Kila don ki jingsaphriang ha ki lad pathai khubor shaphang ka jingpang, kumta na ka liang jong ka tand ka koit ka khiah ka jylla kala pynthikna ia ki paidbah ba ka tnad kala don ia ki lad treikam ban khmih bniah bad peitngor ba kan ym don ka jingsaphriang jong katei ka jingpang” la pynpaw ka kyrwoh na ka IDSP Meghalaya.
Kaei ka jingpang GBS?
Ka Guillain-Barré Syndrome kadei ka jingpang kaba phylla kaba ktah ia ka bor treikam jong ka met naduh jabieng shaduh u budlum. Hadien kane, ka ju don ruh ka jingktah ia ka rukom ring bad pynhiar mynsiem, jingsuh kpoh, ka jingpang Dengue na ki pyrjong ne ka Zika Virus.
Ki dak ki shin jong kane ka jingpang ki kynthup ia ka jingtlot, jingdait ne jingtyrsaiñ kaba sdang shwa na ki kjat. Ka jingshem jingeh ban iaid ne kiew ia ki mawjingkieng. Ka jingbym lah ban kyrshan ne ban don ka jingiatreilang.
Ka jingshem jingeh ban ring mynsiem, ban nguid ne ban kren (Ka donkam kyrkieh ban ioh ia ka jingshah sumar).
Ki lad jingiada kiba dei ban shim ki long ba dei ban phah peit ne khmih mardor lada don ia kitei ki dak ki shin kiba la kdew haneng. Ban kiar na ka ban ai dawai dalade ne ban pynslem ban leit phah peit ha Hospital, ban pynneh ia ka jinglehkhuid lehsuba ban kiar na ki jingpang. Kiar na ka bam ia ki jingbam ki bym tei ne ki bym pat shet.
Ban iada na ka jingshah dait ha ki pyrjong ha ki jaka kiba don ia ka Dengue ne Zika Virus ban tei iala ka bor met da kaba bam ia ki jingbam kiba tei ia ka met.
.){kind=link}