Shillong, Jylliew 09 : Ki Pulit ka Shillong kila ioh 7 sngi ka transit remand ne ka hukum ban wan kit ia ki laingut ki briew ba suba pyniap ia u Raja Raghuvanshi, u nong Indore uba shah pyniap ha ka jingwan leh honeymoon bad ka kurim ha Sohra.
Kine ki laingut ki dei u Akash Rajpur, u Vishal Singh Chauhan bad u Raj Singh Kushwaha.
Ia kane la pyntip da u Additional DCP (Crime) Rajesh Dandotiya uba la iathuh “Ia kine ki briew la ialam tian bishar hakhmat u CJM bad ki Pulit ka Shillong kila ioh 7 sngi ka transit remand”.
Une u heh Pulit u pyntip ba sa uwei u briew ba kyrteng u Anand, ula don mynta ha lynti sha Indore na Bina, Sagar, Madhya Pradesh. Ia kine baroh saw ngut yn sa shimti noh da ki Pulit ka Shillong ban wan kit sha Shillong.
