Shillong, Risaw 25 : U Myntri Rangbah ka Jylla Conrad K Sangma, hynne ka sngi ba-ar ula lum ia ka jingialang bishar kam bad ki Deputy Commissioner lyngba ka video conferencing, ban peit thuh ia ka jinglong jingman ha Jylla na ka jingwan lynshop jong ka eriong Sitrang.
While the teams are on the job to estimate the damages in the Districts, the DCs are advised to take a proactive approach
MeECL is instructed to ensure power is restored & all other Depts. are advised to work in cooperation & extend assistance wherever necessary @AmitShah pic.twitter.com/B52Hqxh7gT
— Conrad Sangma (@SangmaConrad) October 25, 2022
Ha ka jingkren sdang, u Myntri Rangbah ula ong ba ka jingialang ka long ban shim jingkhein ia ki jingpynjulor na kane ka eriong bad ban thaw ia ki lad ki lynti kumno ban leh nangne shakhmat.
U Myntri Rangbah ula kyntu ruh ia ki Deputy Commissioner ban peit noh wut wut ha kaban maramot ia ki jingjulor bad ban ai ia ki jingiarap haba ban jur ia ka MeECL ban pynthikna kham kloi ba ki paidbah kin ioh ia ka bording. Ula ong ruh ba dei ban ai jingiarap pisa mardor sha ki briew ba shah ktah kat kum ki kyndon jong ka NDRF.
Ki Deputy Commissioner ha ka jingai jingkhein ba dang shu lum malu mala, kila pyntip ia ka jingjulor ki Iing, ki surok, ki lyngkha kba bad ki diengkwai. La pyntip ruh ia ka jingshlei um bad jingtwa khyndew ha ki katto katne ki bynta jong ka Nongbah Shillong.
Lah iathuh ba arngut ki briew kila shah bat ha ka bording elektrik ha East Khasi Hills bad South Garo Hills.
Ki Deputy Commissioner kila pyntip ruh ba kila ai ia ka jingiarap ba mardor sha ki longiing ba shah ktah bad ka jingmaramot ia ka lain bording bad jingpynkhuid ia ki surok ba shah kah lynti nalor ki jingtwa khynrsa, ki dang iaid shakhmat bad don ruh kiba la dep ha kiba bun ki jaka.
U Director ka MePDCL ula ai ia ka kaiphod ba bniah halor ka jingjulor ki post ding elektrik bad ka jingdkut ka lain bording haba pyntip ba ki nongtrei ka MeECL kila leit ban maramit ia kine ki lain bording. Hynrei ki pyntip b aka jingslap bad ka jingjur ka lyer kala pynthut ia ka jingtrei ha ki katto katne ki jaka.
