-->

Pynthikna u CM ban nym hiar shuki u Bah Prestone | Ka Sorkar ka treikam kum ka kynhun

Date:

Share post:

Shillong, Naiwieng 20 : U Myntri Rangbah ka Jylla u Conrad K Sangma hynne ka Sngi Palei ula kyntait ia ka jingdawa ba u Symbud Myntri Rangbah ka Jylla u Bah Prestone Tynsong ba udei ban hiar shuki noh namar ka jingkynthoh ka jongu ia ki nonghikai ka KJDSTA kiba pynlong ia ka jingiakhih.

“Ka jingkylli ba udei ban hiar shuki noh, kam mih satia” ong u Sangma haba kren halor ka jingdawa jong ka VPP bad TMC.

Ula ong ba u Bah Tynsong udei u briew uba biang tam ban ai jingpynshai halor ka jingkynthoh ka jongu.

“Phi lah ban iakren bad u Symbud Myntri Rangbah ka Jylla halor kane, nga tharai udei u briew uba biang tam ban ai ia ka jubab” ula ong.

U Sangma ula ong, ba ula dep ban iakren bad u Bah Tynsong halor katei ka jingjia.

“Hooid, ha ka jingshisha ngi lah don ia ka jingiakren bad kila don katto katne ki kyntien bad ki jingsngewkhia halor katei” ula ong.

“Kila don bun ki jingsngewkhia ha kiba bun bad ka lah ban don kawei ne artylli ki kyntien kiba u Symbud Myntri Rangbah u lah ban ong, hynrei nga tharai kaei kaba kongsan ka long ban peit kaei ka jingmut jong katei kaba ula kdew bad ban peit ruh ia ka rukom ai ia ka kyrwoh kaba ula dep ban kdew thik pa thik” ula ong.

Katkum ka jingong u Sangma, u Bah Tynsong ula kren kyllum shaphang ki jingsngewkhia hapdeng jong ki katto katne ki riewshimet ha ki katto katne ki bynta.

“Kala long palat ban ia kaei kaba lah kren kyllum, kila don ki jingsngewkhia bad ki katto katne ki riewshimet ha ki katto katne ki bynta” ula ong.

U Sangma ula kren shai ba ula pynpaw ia kane kumba la pynsngew hi da u Bah Tynsong.

“Kane kam dei ma nga, ng shu sam ia kaei kaba ula ong. Wat nym ot ia kane bad ong ba u Myntri Rangbah ula ong ia katei, ngam shim la ong ia katei, nga shu ong ia kaei kaba ula kren” ula ong.

“Kadei ban buh ha ka rukom kaba dei, ha ka rukom pyrkhat kaba biang bad phi lah ruh ban pan ia ka jingpynshai na u” ula bynrap.

U Sangma ula ong nalor ki jingdawa ki kam sain pyrthei, ka sorkar kala trei met bad mynsiem na ka bynta ki paitbah bad ban pynbeit ia ki jingeh kum kawei ka kynhun.

“Da kaba kren ha ka liang ka Politik, uno uno ruh u lah ban dawa bun ia kiei kiei, hynrei to ai ba ngin long kiba shai kdar ba ngi baroh ngi lah trei met bad mynsiem na ka bynta ki paitbah” ula ong.

“Kiba bun ki jingsngewkhia bad ki mat kidei kiba la lah ban pynbeit, ki dang bun ruh ki ishu kiba dang sah ban pynbeit bad ngi ngin iai bteng kum ka kynhun ban trei ha ka rukom kaba biang, ha ka rukom da kaba iatreilang bad kum ka kynhun. Ngi dang iaid shakhmat bad ngin bteng ban leh ia katei” ula ong.

Share post:

-->
spot_img

Popular

More like this
Related

Sngewkhia ka Sorkar Pdeng ia ka jingiaid laitluid-ka jingeh ba hakhmat halor ka MRSSA Bill : CM

Shillong, Naiwieng 20 : Ka Meghalaya Residents Safety and...

Mynjur ka Sorkar ban pynkynriah ia ka jaka ban pyntreikam ia ka project thung shynrai Lakadong

Shillong, Naiwieng 19: Ka Kynhun Myntri ha ka Sngi...

Thung ka Sorkar ia u Shakil Ahammed kum u Chief Commission ka MSPSDC

Shillong, Naiwieng 19 : U Chief Secretary ban sa...