-->

Mynjur ka Sorkar ban pynkynriah ia ka jaka ban pyntreikam ia ka project thung shynrai Lakadong

Date:

Share post:

Shillong, Naiwieng 19: Ka Kynhun Myntri ha ka Sngi Palei kala mynjur ban ia bujli ia ka jaka na ka bynta ka Lakadong Turmeric Value Enhancement Project, khlem da don kano kano ka jingpynkylla ia ka dor, ka jingheh ne ka jinglongtrai ia ka jaka.

U Myntri Rangbah ka Jylla u Conrad K Sangma ula ong, hadien ba la wai ka jingialang jong ka kynhun myntri, ba ka Sorkar kham hashwa kala mynjur ia ka jingthied ia ka jaka na ka bynta ka projek, hynrei namar ki daw bym lah kiar ha ka shnong kala lam sha kawei pat ka jaka, kaba la tyrwa hi ha katei ka shnong.

“Ka jinglong jingman ha ka shnong kala lam sha kawei pat ka jaka hajan jong katei ka jaka hi ha katei ka shnong, ia kaba la ai, ha ka jaka, jong ka jaka kaba lah ai nyngkong eh” la ong u Sangma.

Ula banjur ba kane ka jaka kaba thymmai kadei kaban heh katjuh hi ha katei ka shnong hi bad ha kajuh hi ka dor bad na ujuh hi u trai jaka.

“Ka juh ka jingheh, kajuh ka shnong, ka juh hi ka dor bad ujuh hi u trai jaka” ula ong.

Namar ba lah don ka jingpynkylla ia ka jaka, kumta ka kynhun myntri ka hap ban shim ia ka rai halor kane ka jingbujli noh ia ka jaka.

“Tang namar ka jingbujli ia ka jaka, la donkam ban ioh ia ka jingshim rai jong ka kynhun myntri, namar ba kam shim la don pat kano kano ka jingpynkylla ia kino kino kino ki bynta jong ka dor, kam shim la don ka jingpynkylla ia ka jingheh jong ka jaka bad kam shim la don ka jingpynkylla ha kaba iadei bad ka shnong ne ka jaka ruh, ka sorkar kala ai ia ka jingmynjur” la ong u Sangma.

Kane ka jaka kaba thymmai kadei kaba jngai kumba 100-200 mitar na ka jaka kaba lah thied nyngkong.

“Kila shu shim noh na ka jaka (Location A) sha kawei pat ka jaka (Location B kaba jngai tang kumba 100-200 mitar eiei” ula bynrap.

Share post:

-->
spot_img

Popular

More like this
Related

Thung ka Sorkar ia u Shakil Ahammed kum u Chief Commission ka MSPSDC

Shillong, Naiwieng 19 : U Chief Secretary ban sa...

Mynjur ka Sorkar ia ki service rule thymmai ka Health Deptt ban pynkut ia ka Ad-hoc promotion

Shillong, Naiwieng 19 : Ka Kynhun Myntri ka Sorkar...

Shen yn pynbna ka Sorkar ia ka jinglait kam Pulit ba 2000 tylli | Pynkylla ia ka rukom pyniaid ia ka jingthungkam

Shillong, Naiwieng 19: Ka Meghalaya Police kala pynkhreh ban...