-->

Kajia Shillong Ropeway | Pyntip u CM ba kloi ban iakren | Ka jingithuh ka BBC kan kyntiew ia ki kam jngohkai

Date:

Share post:

Shillong, Naiwieng 19 : U Myntri Rangbah ka Jylla Conrad K Sangma ha ka sngi Palei ula pyrshang ban pynjai jai ia ki jingiakajia halor ka Shillong Ropeway Project, da kaba ong ba ka Sorkar ka long kaba kloi ban iakren bad kan pyrshang ban leh eiei halor ki jingsngewkhia bala pynsngew da ka Joint Action Committee.

“Ngi don ha ka lynti jong ka jingiakren” ong u Conrad haba kylli halor ka jingpyrshah ia ka project. “Ngi la bishar ia kane ka kam bad pynthikna ba ngi la iakren bad pynsngewthuh ha ka rukom kaba bha tam” ula ong.

U Conrad ula ong ba ia ki jingsngewkhia bala pynsngew da ka JAC bad ki riew shimet ruh yn sa shong bishar ka Sorkar.

“Ngi la ju kren man ka por ba ngi long kiba kloi ban iakren bad ban sngap bad ban wad ia ka lynti kumno ba ngin leh eiei halor kine ki jingsngewkhia” ula ong.

Halor ka jingiai pyrshah man ka por ia ki jingtei ba iadei bad ki kam jngohkai, u Conrad ula ong ba ia ka jingpyrshah ym dei ban khmih kum ka jingduh.

U Conrad ula kubur ba katto katne ki jingsngew sheptieng ki mih na ka jingsngewthuh bakla, bad ong ba ka Sorkar kan sa pynshai ia ki.

Haba shim ia ki jingtynjuh kum shibynta ka synshar khadar, u Conrad ula ong ba ka synshar paidbah ka donkam ia ka jingiakren bad ban shim lang ia ka jingmynjur u paidbah.

Hynrei ula ban jur ia ka jingdonkam ban mynjur halor ki jingshisha bad ki jingeh bad ban iaid lang shakhmat.

Haba phai sha ki kam jngohkai, u Conrad ula ong ba ka Jylla Meghalaya kala ioh ia ka jingithuh mynta ha satlap ka pyrthei wat hapdeng ki jingeh kiba bun.

“Wat hapdeng ki jingtynjuh ba ngi iakynduh, ka Meghalaya mynta kla iaid shakhmat ha ki kam jngohkai” ula ong.

Ula kdew ia ka jingbuh thup ka BBC ia ka Meghalaya kum ka top 20 ha ka thup ki jaka jngohkai ha ka pyrthei, kaba long tang ma ka ha ri India.

“Kane ka kren ia ka kyrdan kaba ngi la lah ban kyntiew ia ka kam jngohkai, ka kyrteng kaba ngi la lah ban pynmih bad ki kabu ba ki paidbah ki ioh” ula ong.

“Kane ka syrnot da ka BBC kan ialam ia ka Meghalaya sha kawei pat ka kyrdan” ula ong haba kyntu ia baroh ki kynhun ba don bynta ha ka kam ba kin iatreilang ha kaban weng ia ki jingeh baroh.

Share post:

-->
spot_img

Popular

More like this
Related

Mynjur ka Sorkar ban pynkynriah ia ka jaka ban pyntreikam ia ka project thung shynrai Lakadong

Shillong, Naiwieng 19: Ka Kynhun Myntri ha ka Sngi...

Thung ka Sorkar ia u Shakil Ahammed kum u Chief Commission ka MSPSDC

Shillong, Naiwieng 19 : U Chief Secretary ban sa...

Mynjur ka Sorkar ia ki service rule thymmai ka Health Deptt ban pynkut ia ka Ad-hoc promotion

Shillong, Naiwieng 19 : Ka Kynhun Myntri ka Sorkar...

Shen yn pynbna ka Sorkar ia ka jinglait kam Pulit ba 2000 tylli | Pynkylla ia ka rukom pyniaid ia ka jingthungkam

Shillong, Naiwieng 19: Ka Meghalaya Police kala pynkhreh ban...