Shillong, Naiwieng 19: Ka Meghalaya ka kwah ban sangeh noh ia ka jingtip tang ia ka jingpynlong ia ki Concert hynrei ban sdang noh ban ithuh ia ki jingtem (Music) kiba kala thaw hi.
Katei kadei kaba la pynpaw da u Myntri Rangbah ka Jylla u Conrad K Sangma ha ka India International Music Week ha Shillong hynne ka Sngi Palei, ha kaba ula ai jingkren ia ki 250-300 ngut ki nongrwai, ki nongtem kiba tbit, ki nongkyntiew bad ki nongialam kaba iadei bad ka kolshor.
Glad to be part of the celebration of the India International Music Week on Tour at the Cherry Blossom Festival 2026 and to share the vision of the Government to create a thriving and sustainable ecosystem through the Chief Minister’s Meghalaya Grassroots Music Project (CM-MGMP), concerts/festivals, youth-focused initiatives and tourism.
Our vision goes beyond being the concert and music capital. We want Meghalaya, and Shillong in particular, to become a true music destination, not just a concert destination. That means building an ecosystem where musicians can create original music, access studios, develop professionally, connect with the industry and take their music to national and global audiences.
With our young people being our greatest strength, our responsibility is to provide them the platforms and opportunities to channelise their talent and creativity.
The journey from being a concert destination to becoming a music capital starts with creating music that the world recognises as truly ours.
— Conrad K Sangma (@SangmaConrad) November 19, 2026
“Ngi ngin ym dei tang ka nongbah jong ka Concert, hynrei ngin dem ka nongbah jong ka jingtem ne Music Capital” ong u Sangma.
“Ngin kylla long Music Capital haba ngi sdang pynmih hi ia ki jingrwai bad jingtem, haba ki jingtem ki jong ngi kin ktah ia ka ri bad ia ka pyrthei”.
U Sangma ula phai biang sha ka jingiohi jngai ha ka por ba u dang long kum u samla, ha kaba ula tem ha kawei ka kynhun khlem kano kano ka jingioh jingkyrshan.
“Ngi kum ka kynhun ngi hap ban pynbiang lut nadong shadong dalade hi, naduh ka Sound, ka leit ka wan, jaka sah, jingpynwandur ia ki Poster bad ia kiei kiei baroh hynrei ka long pat ka lynti iaid kaba sngewtynnad kaba dap ia ka jingioh jinghikai kaba don ia ka jingshemphang” ula ong.
Katei ka jingshemphang, ula ong kala lam sha ka Meghalaya Grassroots Music Project (MGMP).
“Mynta, 8,000 ngut ki nongrwai nongtem kiba ioh jingkyrshan na ka MGMP kaba pynlong ia ka kynhun ki nongtem nongrwai kaba heh tam” ong u Sangma.
Ula ong ba ka MGMP kala sdang da ka rukom pyrkhat kaba suk ban ai ka rynsan ia ki samla ba kin pyni ia la ka sap ha kaba ka sorkar kala ai jingkyrshan da ka pisa, ka jaka bad ia ki kabu. Ka sienjam kaban wan kadei ban iaid na ka jingrwai jong kiwei sha ka kolshor ban don noh ia ka sawdong sawkun ban pynmih hi noh nalade ia ki jingrwai.
“Ki khynnah bad ki samla ki dei hok ban ioh ia ka rynsan ban leh ia kaei kaei kaba ki ieid bad ia ka lad ban pynpaw ialade bad ban kiew” ong u Sangma.
Ula ong ba ka thong kaba iar kadei ban pynwandur ia ka bor jong ki samla lyngba ka rwai bad ka tem ka put, kaam ialehkai, jingsengkam, kam jngohkai, jingthaw ia ki lad aikam, jingtei ia ki sap ki phong lyngba ka “Stakeholder-based Governance”.
Ban kyrshan ia kane ka jingthmu, u Sangma ula ong, ba ka sorkar kan pynkhlain ia ki jingtei ban don ia ki Studio kiba paka, Music School bad ban ioh ia ka jingbtin lynti na ki stad ki jhad ha ka rwai bad ka tem ka put na ka bynta ki samla nongrwai bad nongtem ka jylla.
“Ki long kiba don ia ka thong bad kiba don ia ka sap ka phong bad ki donkam ia ka rynsan bad ia ka jingbtin lynti” ula ong. “Ngin kylla long ka Music Capital haba ngi lah sdang ban pynmih hi ia ki jingrwai bad ki jingtem”.
Ula ai jingmut ruh ia ki samla nongrwai bad nongtem ban pynleit jingmut ban long kiba tbit shisha ha ka kam, jingpyniadei bad kiwei bad ka jingthrang ban seisoh ha kane ka kam.
U Sangma ula pynkut ia ka jingkren halor ka jingioh nam ka Meghalaya ba kadei tang kane ka jylla ha ka ri India kaba la paw ha ka thup jongka BBC kum ka ‘20 Places to Visit in 2027’ ne “Ki 20 tylli ki jaka kiba dei ban leitkai ha u snem 2027” ryngkat lang bad ka France, Italy, New Zealand bad Madagascar.
Ula ong, ba kane ka jingioh jingithuh kadei ka jingtrei shitom jong ka jylla, ki paitbah ki jongka, ka riti ka dustur, kolshor bad ki jaidbynriew kiba la buh ia ka Meghalaya ha ka map jong ka pyrthei.
Ka IIMW, kala pynpaw ba ka India’s Global Music Conference & Showcase Festival, kala wanrah ia stad ha ka rwai bad ka tem ka put sha Shillong ban tei ia ka jingiadei bad ban plie ia ki kabu na ka bynta ki nongrwai bad ki nongtem. Kine kiba la wan nabar kin bteng sha ka Cherry Blossom Festival ha ka 20-21 u Naiwieng ban peit ia ka sap ka phong ka Meghalaya, ki nongpeitkai bad kiwei kiwei.

