-->

Pyllait u CM ia ka MeghGo ; ka mobile App ki kali kamai ba nyngkong eh ka Jylla

Date:

Share post:

Shillong, Naiwieng 17: U Myntri Rangbah ka Jylla Conrad K Sangma, ha ka Sngi Ba-ar, u la pyllait paidbah ïa ka MeghGo, ka mobile application kaba nyngkong eh ha Meghalaya, kaba wanrah lang ïa ki jingshakri jong ki kali kamai bapher bapher hapoh kawei ka rynsan digital ha Shillong.

Kane ka application kaba long trai da ka Sorkar ka thmu ban pynsuk ïa ka leit ka wan jong ki paidbah ha kylleng ka Meghalaya lyngba ka jingpynsuk ban ïoh ïa ki jingshakri ki kali kamai, kaba pynlong ïa ka leit ka wan kaba suk, kaba biang bad kaba shngaiñ na ka bynta ki nongshong shnong bad ki nongwan jngohkai ruh.

Advertisement

Haba pynbna ïa ka jingpynllait paidbah, u Conrad u la ong ba ka MeghGo kam dei tang ka application ban book ia ki taxi (taxi booking app), hynrei ka thmu ruh ban plie ia ki lad kamai ba thymmai na ka bynta ki nongñiah taxi bad ban pynkhlaiñ ïa ka kam kamai kali ha ka Jylla hi baroh kawei.

U Myntri Rangbah u la ong ba kane ka application ka long kawei na ki sienjam ban ban pynsuk ia ka leit ka wan ha Meghalaya.

Hadien ka jingïalang pyllait paidbah, haba pyni ïa ka rukom treikam jong kane ka application, u Conrad u la ïathuh ba ma u hi u la dep ban buh kali na ka MeghGo bad leit da ka taxi MeghGo ryngkat bad ka Bah Nang.

U la kyntu ruh ïa ki nongshong shnong bad ki nongwan jngohkai ban pyndonkam ïa kane ka application khnang ban pynsuk ïa ka leit ka wan jong ki paidbah ha kylleng ka Jylla.


Haba pyni ïa ka rukom treikam jong kane ka application, u Conrad u la ïathuh ba ma u hi dalade u la book ne wai ban shong taxi MeghGo ryngkat bad u Bah Nang.

U la kyntu ruh ïa ki nongshong shnong bad ki nongwan jngohkai ban pyndonkam ïa kane ka application khnang ban pynsuk ïa ka leit ka wan jong ki ha kylleng ka Jylla.

Advertisement

Da kane ka jingpyllait paidbah ïa ka MeghGo, ka Meghalaya ka la shim ïa ka sienjam ban wanrah ïa ki jingkamai ki kali bapher bapher hapoh kawei ka rynsan digital, ha kajuh ka por ban thaw ïa ka rynsan kaba la kyrshan da ka Sorkar na ka bynta ki nongleit nongwan bad ki nongniah kali kamai.

Share post:

-->
spot_img

Popular

More like this
Related

Ther kylla ka HYC ia u Bah Prestone | Ki kruin ki shong ha Secretariat, ym ki nonghikai

Shillong, Naiwieng 17 : Ka Hynniewtrep Youth Council (HYC)...

HYC hits back at Tynsong, says ‘rotten ones sit in Secretariat, not teachers’

SHILLONG, NOV 17: The Hynñiewtrep Youths' Council (HYC) on...

Hiar ka helicopter ka Kongripara namar ka jingjur lyoh | Iarap ki trai shnong ia ki Pilot

Nongpoh Naiwieng 17: Kawei ka helicopter ka la hair...

Conrad Sangma launches MeghGo, Meghalaya’s first integrated mobility app

Shillong, Nov 17: Meghalaya Chief Minister Conrad K Sangma...