Shillong, Naiwieng 10: Ki nongthawain ka Meghalaya kila don ha ri Bilat ban iashimbynta ha ka Leadership Crash Course kaba phra sngi ban sngewthuh kumno ka ri synshar paidbah kaba la rim tam ka pyniaid ia ka synshar khadar, ka ialam bad pyntrei ia ki kam.
Ka State Legislators’ Leadership Excellence Programme, kala iaid naduh ka 7 haduh ka 14 tarik u Naiwieng ha London bad Cambridge, kala wanrah lang ia kiba bun ngut ki MLA bad ki heh ophisar ban iashimbynta ha ka jingioh jinghikai bad jingbatai na ki nonghikai ka ri Bilat, ki riewstad ha ka kam thaw ia ki polisi treikam bad ki nongmihkhmat paitbah kiba lah rim.
Ia kane ka kynhun la ialam da u Lamphang ka iingdorbar thawain u Thomas A Sangma.
Napdeng ki Nongmihkhmat kiba la leit iashimbynta ki kynthup ia u Symbud Lamphang u Limison D Sangma, u Deputy Government Chief Whip u Bah Ronnie V Lyngdoh, ki Myntri Sorkar kiba ky thup ia u Marcuise N Marak bad u Bah Paul Lyngdoh, u Government Chief Whip u Dr Celestine Lyngdoh bad ki MLA kiba kynthip ia u Abu Taher Mondal, Rupert Momin, Subir Marak, Bah Ollan Singh Suin, u Mohammed Mizanur Rahman Kazi, Bah Matthew Beyondstar Kurbah, Bah Mayralborn Syiem, Bah Gavin Miguel Mylliem, Bah Renikton Lyngdoh Tongkhar, Bah Gabriel Wahlang, Bah Kyrmen Shylla, Bah Banteidor Lyngdoh, Bah Balajied Kupar Synrem, Bah Charles Pyngrope bad u Bah Alexander Laloo Hek.
Ki heh ophisar ki kynthup ia u Chief Secretary u Shakil P Ahammed, u Additional Chief Secretary bad MLRF Vice-Chair u Sampath Kumar, Bah F.R Kharkongor, Bah M.R Synrem, u Parliamentary Affairs bad Commissioner and Secretary Bah Cyril Diengdoh, u Secretary ka Assembly u Malthus S Sangma bad u Legislation Adviser Bah Andrew Simons.
Haba kren ha ka prokram u Sangma ula ong, ba ka jingthmu ka long kaba shai ban wanrah biang ia ka rukom synshar kaba bha sha Meghalaya.
“Kane ka prokram kadei ban sngewthuh bad ban ioh jinghikai na kaba bha tam bad ban pdiang ia ki lynnong ha Meghalaya ba kin long kiba shisha. Ka jinglong nongialam kaba bha kadei halor ka jingshim ia ki rai kiba don jingmut, ka jingai ia ki jingshai bad ban pynpoi sha ki paitbah” la ong u Sangma.
Ia kane ka prokram la pynlong da ka Meghalaya Legislative Research Fellowship Project (MLRF) bad ka Intellectual Forum ha Jesus College, Cambridge, da kaba iatreilang bad ka King’s India Institute, King’s College London bad LSE Consulting.
Ha kine ki jingiakren ki kynthup ia ka jingshim ia ki rai kiba paka, jinglong nongialam hapdeng ka por ba don ia ki jingeh, digital infrastructure, private capital, ka jingai jingkren ia ki paitbah, ka jinglong kynthei bad shynrang, kam ai jingshakri bad ki jingleh ka sorkar kiba long kiei kiei kiba dang thymmai.
Kawei na ki bynta kiba kongsan ka long ban leit jngoh ia ka iingdorbar Parliament ha Westminster ha ka 11 tarik u Naiwieng kaban kynthup ia ka jingleit jngoh kaban ialam da ka House of Commons Doorkeepers, ka jingiakren bad ka Commonwealth Parliamentary Association, ka jingiakren halor ka kamram jong ki nongthawain bad ka lad ban peit Live ia ka Prime Minister’s Questions (PMQs).
Ka jingiakren ne ka policy dialogue on Early Childhood Development — Think Equal ECD Policy Dialogue yn pynlong ha ka House of Lords.
Ha Jesus College, Cambridge, ki nongiashimbynta kin iashimbynta ha kaban tei ia ka jingtreikam ryntih jong ki tnad sorkar bapher ha ka por ba mih kino kino ki jingjia, ka “Green Transition” kum ka lynti sha ka jingseisoh bad kiwei kiwei ki mat.
Kaba kham kongsan ka long ba kane kam dei ka prokram kaba kyllum hynrei ka kynthup ia ki jingiakren kiba iadei bad ka Meghalaya — ‘Everyman’s Economics: Democratising the Economy of Meghalaya kaban ialam da ka Antara Halder bad ka ‘Adaptive Leadership for Facilitating Economic Growth in Meghalaya’ kaban ialam da u Professor Rona…
